جوسپارلى تەكسەرۋدەن ءوتتى

كەشە مەملەكەت باسشىسى نۇرسۇلتان نازارباەۆ «قازاقستان رەسپۋبليكاسى پرەزيدەنتىنىڭ ءىس باسقارماسىنىڭ اۋرۋحاناسى» رمك-دا بولىپ, جوسپارلى پروفيلاكتيكالىق مەديتسينالىق تەكسەرۋدەن ءوتتى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. قازاقستان رەسپۋبليكاسى پرە­زيدەنتىنىڭ ءىس باسقارماسىنىڭ اۋ­رۋحاناسى ورتالىق مەملەكەتتىك باسقارۋ ورگاندارىنىڭ مەملەكەتتىك قىزمەتشىلەرىنە مەديتسينالىق تەكسەرۋ جۇرگىزۋگە ارنالعان. مەملەكەت باسشىسى مەدي­تسي­نا­لىق ورتالىق ۇزدىك باتىستىق ءۇل­گىدەن كەم تۇسپەيتىن ەڭ زاماناۋي مەديتسينالىق جابدىق­تار­مەن جابدىقتالعانىن اتاپ ءوتتى. – بۇگىن مەن پرەزيدەنت ءىس باسقارماسىنىڭ ورتالىق ەمحا­نا­سىندا مەنىڭ دەنساۋلىعىمدى باقىلايتىن جىل سايىنعى تەكسەرۋدەن ءوتتىم. ءبىزدىڭ بارلىق مەملەكەتتىك قىزمەتشىلەرگە, اسىرەسە, باسشى قىزمەتكەرلەرگە وسىندا قارالۋعا كەڭەس بەرەمىن. ەل باس­شىلىعى, مينيسترلەر, اكىمدەر وسىنداي پروفيلاكتيكالىق تەكسەرۋدەن جىل سايىن ءوتۋى كەرەك. بۇل دەنساۋلىق ءۇشىن, ەرتە دياگنوستيكا ءۇشىن پايدالى. قارالۋ ءۇشىن اركەز شەت ەلگە بارۋدىڭ, كوپ قار­جى جۇمساۋدىڭ قاجەتى جوق. استانادا بارلىق قاجەتتى جابدىق­تار­مەن جابدىقتالعان ءىرى مەديتسي­نا­لىق ورتالىقتار بار. مەن بارلىعىنا وسىندا, قازاقستاندا تەكسەرۋدەن ءوتۋدى جانە ەمدەلۋدى ۇسىنامىن, – دەدى پرەزيدەنت. قازاقستان رەسپۋبليكاسى پرەزيدەنتىنىڭ ءىس باسقارماسى مەديتسينالىق ورتالىعىنىڭ باس­تىعى ۆالەري بەنبەرين ءمالىم­دە­گەندەي, مەملەكەت باسشىسى كەشەندى پروفيلاكتيكالىق مەديتسي­نا­لىق تەكسەرۋ بارىسىندا بارلىق ورگاندار مەن ورگانيزم جۇيەسى تولىق كلينيكالىق جانە ينسترۋ­مەنتالدىق تەكسەرۋدەن ءوتتى. پرەزيدەنتتىڭ دەنساۋلىق جاع­دايى­نىڭ نەگىزگى ينديكاتورى قا­لىپتى كۇيىندەگى شەگىندە – ارتە­ريالىق قان قىسىمى 120/75 مم.رت.ست., حولەستەرين, قان گليۋكوزاسى, كرەاتين, گورمون ستاتۋسى جانە ت.ب. كورسەتكىشتەرى وتە جاقسى. ماماندار جۇرەك-قان تامىرلارى تاۋەكەلىنىڭ تومەندىگىن اتاپ ءوتتى. مامانداردىڭ قورىتىندىسى بويىنشا نۇرسۇلتان نازارباەۆ دەنساۋلىعى وتە جاقسى جانە فيزيكالىق فورمادا ەكەنىن اتاپ ءوتتى.