سالىق تولەۋشىنىڭ (سالىق اگەنتىنىڭ) كاسساسى بويىنشا شىعىس وپەراتسيالارىن توقتاتا تۇرۋ

سالىق قىزمەتى ورگاندارىنىڭ «سالىقتار جانە بيۋدجەتكە باسقا دا مىندەتتى تولەمدەر تۋرالى» قا­زاقستان رەسپۋبليكاسى كودەك­سىنىڭ 18-بابىنىڭ 1-تارماعىنىڭ 1) تار­ماقشاسىنا سايكەس باستى ءمىن­دەت­تە­رىنىڭ ءبىرى سالىقتار جانە بيۋد­جەتكە باسقا دا مىندەتتى ءتو­لەم­دەر­دىڭ ۋاقتىلى جانە تولىق تۇردە ءتۇ­سۋى بولىپ تابىلادى. سا­لىق ءتو­لەۋ­شىنىڭ سالىقتار جانە بيۋدجەتكە باسقا دا مىندەتتى ءتو­لەمدەردى تولەۋ بويىنشا سالىق مىندەتتەمەسىن ورىنداماۋ نەمەسە ۋاقى­تى­نان كەيىن ورىنداۋ كەزىندە سالىق قىزمەتى ورگاندارى سالىق مىندەتتەمەسىن ورىنداۋ ءادىسىن قول­دانۋى مىندەتتى جانە سالىق كودەكسىنە سايكەس سالىق تولەۋ­شى­نىڭ سالىق بەرەشەگىن ءماجبۇرلى ءتۇر­دە ءوندىرىپ الۋى كەرەك. سالىق كو­دەكسىنىڭ 609-بابىنىڭ 1-تارما­عى­نىڭ 3) تار­ماقشاسىنا سايكەس سا­لىق بەرەشەگىن ءماجبۇرلى تۇردە ءوندىرىپ الۋ ءادىسىنىڭ ءبىرى سالىق تولەۋشىنىڭ ءمۇل­­كىن شەكتەۋ شەشىمى بولىپ تابىلادى. سالىق تولەۋشىنىڭ (سالىق اگەن­تىنىڭ) كاسساسى بويىنشا شىعىس وپەراتسيالارىن توقتاتا تۇرۋ سا­لىق قىزمەتىمەن مىناداي جاعداي­دا جۇرگىزىلەدى: 1. سالىق بەرەشەگىن وتەۋ تۋ­رالى حابارلامانى العان كۇننەن باستاپ بەس جۇمىس كۇنى ىشىندە سا­لىق بەرەشەگى وتەلمەگەن جاعدايدا. 2. سالىق تولەۋشىنىڭ (سالىق اگەنتىنىڭ) كاسساسى بويىنشا شى­عىس وپەراتسيالارىن توقتاتا تۇرۋ, بانككە نەمەسە بانك وپەراتسيا­لا­رى­نىڭ جەكەلەگەن تۇرلەرىن جۇزەگە اسىراتىن ۇيىمعا كەيىننەن ولار­دى سالىق بەرەشەگىن, مىندەتتى زەي­نەتاقى جارنالارى مەن الەۋمەتتىك اۋدارىمدار بويىنشا بەرەشەكتەردى وتەۋ ەسەبىنە اۋدارۋ ءۇشىن اقشا تاپسىرۋ بويىنشا وپەراتسيالاردان باسقا, كاسساداعى قولما-قول اقشالاردىڭ بارلىق شىعىس وپەراتسيالارىنا قولدانىلادى. سالىق ورگانىنىڭ كاسسا بوي­ىنشا شىعىس وپەراتسيالارىن توق­تاتا تۇرۋ تۋرالى وكىمىن سالىق تولەۋشى (سالىق اگەنتى) بۇلجىتپاي ورىنداۋعا ءتيىس. سالىق تولەۋشى (سالىق اگەنتى) وسى باپتىڭ تالاپتارىن بۇزعانى ءۇشىن قازاقستان رەسپۋبليكاسىنىڭ زاڭناماسىنا سايكەس جاۋاپتىلىق­تا بولادى. سالىق ورگانى سالىق تولەۋشى (سالىق اگەنتى) سالىق بەرەشەگىن وتەگەننەن كەيىنگى ءبىر جۇمىس كۇ­نى­نەن كەشىكتىرمەي سالىق ورگانى­نىڭ كاسساسى بويىنشا شىعىس وپە­راتسيالارىن توقتاتا تۇرۋ تۋ­رالى وكىمىنىڭ كۇشىن جويادى. وسىعان بايلانىستى, سالىق تولەۋشىلەرگە سالىقتار جانە بيۋدجەتكە باسقا دا مىندەتتى تولەم­دەر­دىڭ ۋاقتىلى جانە تولىق ءتۇر­دە تولەۋىن ەسكەرتەمىز.  اسحات سامەتوۆ, استانا قالاسى الماتى اۋدانى بويىنشا سالىق باسقارماسىنىڭ ءماجبۇرلى ءوندىرىپ الۋ ءبولىمىنىڭ جەتەكشى مامانى.