شاراعا پارلامەنت ءماجىلىسى توراعاسىنىڭ ورىنباسارى ۆيكتور بوجكو, «قازاقستاننىڭ ەت-ءسۇت وداعى» باسقارما توراعاسى يۆان ساۋەر, «اتامەكەن-اگرو» اق اگروحولدينگىنىڭ باسقارما توراعاسى كينتال يسلاموۆ جانە 150-گە جۋىق وتاندىق, شەتەلدىك اگروبيزنەس وكىلدەرى قاتىستى. فورۋم بارىسىندا باسەكەگە قابىلەتتى, بىلىكتى مامان دايىنداۋ ماقساتىن كوزدەيتىن جاڭا باعدارلامالار تالقىلانىپ, اۋىلعا بارعان جاس مامانعا جاعداي جاساۋ ماسەلەسى كوتەرىلدى.
«بۇگىنگى ءبىز ۇيىمداستىرىپ وتىرعان فورۋمنىڭ اگروونەركاسىپ سالاسىن دامىتۋ جولىنداعى الار ورنى ەرەكشە. ۇسىنىمىزدى قابىل الىپ, باسقوسۋعا كەلگەندەرىڭىز ءۇشىن ريزاشىلىعىمىزدى بىلدىرەمىز. بۇل سالاداعى ماسەلەلەردىڭ شەشىم تابۋى ءۇشىن اۋىلشارۋاشىلىق تاۋار وندىرۋشىلەرى مەن كاسىپكەرلەر اراسىندا تىعىز بايلانىس ورناۋى قاجەت. مەملەكەتتىك ءبىلىم بەرۋ گرانتتارىنىڭ باعاسىن كوتەرۋ, كادرلاردى تەك مامانداندىرىلعان وقۋ ورىندارىندا دايىنداۋ جانە ولاردىڭ 3 جىل اۋىلدا ەڭبەك ەتۋىن مىندەتتەۋ ماسەلەلەرى قولعا الىنۋى كەرەك», دەدى ۋنيۆەرسيتەت رەكتورى اقىلبەك كۇرىشباەۆ.
پارلامەنت ءماجىلىسى توراعاسىنىڭ ورىنباسارى ۆ.بوجكو ءوز سوزىندە اگروتەحنيكالىق ماماندىقتا ءبىلىم العان جاستاردىڭ ەڭبەك ەتۋ ءۇشىن اۋىلعا باراتىندارىنىڭ سانى تىم از ەكەندىگىن ايتتى. ال «اتامەكەن-اگرو» اق اگروحولدينگىنىڭ باسقارما توراعاسى كينتال يسلاموۆ پەن «كارتوپ ءوسىرۋ جانە كوكونىس داقىلدارى وداعى» پرەزيدەنتى قايرات بيستاەۆ الداعى ۋاقىتتا ستۋدەنتتەردى وداقپەن بىرلەسىپ جۇمىس ىستەۋگە شاقىردى.
فورۋم قاتىسۋشىلارى مەن قوناقتار ستۋدەنتتەردىڭ تەوريالىق ءبىلىمىن تاجىريبە جۇزىندە شىڭداۋىنا مۇمكىندىك بەرەتىن ءوندىرىس الاڭدارىن ارالاپ, ستۋدەنتتەر دايىنداعان ءسۇت, ەت, نان ونىمدەرىنەن ءدام تاتتى.
قارلىعاش قۇرامىس
