بيىلعى جىلى وبلىس ورتالىعىنىڭ بىرقاتار كوشەلەرىندە جاياۋ جۇرگىنشىلەر مەن كولىك جۇرەتىن جولدار جاڭارتىلىپ, كۇردەلى جوڭدەۋدەن ءوتتى. سونداي-اق ورتالىق پارك الاڭىنىڭ تاس توسەنىشتەرى تولىقتاي جاڭارتىلعان بولاتىن. جاڭا ۇلگىدەگى جۇمىستار كەزىندە قىزىل جانە سارى ءتۇستى كىرپىشتەر ويۋ-ورنەك تۇرىندە ايشىقتالعان. بۇگىندە بۇل جۇمىستار اياقتالىپ تا قالعان ەدى. بىراق ولاي ەمەس ەكەن.
جۇمىسشىلار جولداعى جاڭا تاس توسەنىشتەردىڭ كەي بولىكتەرىن قايتادان الىپ, «استانا Led سەرۆيس» فيرماسىنان جەتكىزىلگەن جارىقديودتى شىنى تەكشەلەرمەن الماستىرۋدا. فيرما قىزمەتكەرلەرىنىڭ ايتۋىنشا, بۇنداي تاپسىرما نەگىزگى جۇمىس كەزەڭىندە ەمەس, جاقىندا عانا بەرىلگەن. الايدا قولعا الىنعان ءىس ءبىر-ەكى كۇننىڭ ىشىندە اياقتالماق. بۇگىندە جەتى بىردەي جولاققا ارنايى كابەل تارتىلۋدا. ناتيجەسىندە الۋان ءتۇستى جارىق بەرەتىن جول قالانىڭ اجارىن اشا تۇسپەك.
ايتا كەتكەن ءجون, جۇمىستار ءۇشىن مەملەكەتتىك بيۋدجەتتەن اقشا جۇمسالمايدى. بۇل - استانالىق مەردىگەردىڭ قوستانايلىقتارعا تارتۋى بولعالى تۇر.
جانبولات كەنجەعۇل
«ەگەمەن قازاقستان»
