«بۇل قازان ايىندا پارلامەنتتىك سايلاۋلاردى بەيبىت جولمەن وتكىزۋ ۇمىتىنە قاۋىپ تونگەنىن كورسەتەدى. ءبىز الداعى سايلاۋعا بويكوت جاريالاعان كەيبىر اۋعان ساياسي پارتيالارىنىڭ مالىمدەمەلەرىنە الاڭداۋشىلىق بىلدىرەمىز. ونى كەيىنگە قالدىرۋ اۋعانستانداعى جاعدايدىنا شارلاتۋ مۇمكىن», - دەپ مالىمدەدى قاۋىپسىزدىك كەڭەسىنىڭ وتىرىسىندا قازاقستاننىڭ بۇۇ جانىنداعى تۇراقتى وكىلى قايرات وماروۆ.
وتىرىس بارىسىندا قازاقستاندىق دەلەگاتسيانىڭ باسشىسى ەلدەگى جاعدايدى تۇراقتاندىرۋداعى باستى ءرول اۋعاندارعا تيەسىلى بولۋى كەرەك دەگەن اۋعانستان ۇكىمەتىنىڭ پىكىرىمەن نيەتتەس ەكەنىن ءبىلدىردى. سونىمەن بىرگە, ول قاۋىپسىزدىك كەڭەسى مۇشەلەرىنىڭ نازارىن يشيم/دايش تەرروريستىك توپتارى جاۋىنگەرلەرىنىڭ سانى اۋعانستاندا, اسىرەسە ەلدىڭ سولتۇستىگىندە ارتقانىنا اۋداردى, بۇل ءوز كەزەگىندە ورتالىق ازيا مەملەكەتتەرىنىڭ قاۋىپسىزدىگىنە قاۋىپ توندىرەدى.
بۇل تۇرعىدا ەلشى قازاقستاننىڭ قاۋىپسىزدىك پەن دامۋدىڭ ءوزارا بايلانىسىنا قاتىستى ۇسىنعان كوزقاراسىن تاعى دا اتاپ كورسەتتى. تۇراقتى ەكونوميكالىق دامۋ جانە جۇمىس ورىندارىن قۇرۋ حالىقتى جۇمىسپەن قامتۋدى كۇشەيتۋگە, جاستاردى لاڭكەستىك توپتار قۇرۋعا جانە قاۋىپسىزدىكتى نىعايتۋعا جول بەرمەيتىن بولادى. ول بىرلەسكەن جوبالاردى ىسكە اسىرۋعا جانە اۋعانستاننىڭ ورتالىق ازيا ساۋدا-ەكونوميكالىق ىنتىماقتاستىعىنا جاڭا قاتىناستار مودەلى رەتىندە قوسىلۋىنا جاردەمدەسۋگە شاقىردى. «ورتالىق ازيانىڭ بارلىق مەملەكەتتەرى ءبىزدىڭ اۋعان ارىپتەستەرىمىزبەن ۇزاق مەرزىمدى ىنتىماقتاستىقتى قۇرۋدى جانە ينفراقۇرىلىم, ترانزيت, كولىك, ەنەرگەتيكا جانە باسقا سالالاردا ايماقارالىق ءوزارا بايلانىستى قۇرۋدى كوزدەيدى», - دەپ اتاپ ءوتتى ق. وماروۆ.
قاقتىعىستاردى الدىن الۋ دا ايەلدەر مەن جاستاردىڭ اتقاراتىن ورتالىق رولىنە ەرەكشە نازار اۋدارىلدى. قازاقستاننىڭ تۇراقتى وكىلى بۇۇ قاۋىپسىزدىك كەڭەسى وتىرىسىنىڭ قاتىسۋشىلارىنا استانادا وتكەن «اۋعانستان ايەلدەرىنىڭ قۇقىقتارى مەن مۇمكىندىكتەرىن كەڭەيتۋ» وڭىرلىك كونفەرەنتسيانىڭ, سونداي-اق 2019-2020 جىلدارى اۋعان ايەلدەرى ءۇشىن قوسىمشا ستەپەنديا ءبولۋ تۋرالى قازاقستان ۇكىمەتىنىڭ شەشىمىن جەتكىزدى. بۇل شەشىم 50 ميلليون اقش دوللارىن قۇرايتىن ارنايى ءبىلىم بەرۋ باعدارلاماسى بويىنشا 1000 اۋعان ازاماتتىق مامانداردى دايارلاۋ جونىندەگى باستامانىڭ جالعاسى بولدى. سونىمەن قاتار, قازاقستاننىڭ, وزبەكستاننىڭ جانە ەۋروپالىق وداق ەلدەرىنىڭ ەكى ەلدىڭ جوعارى وقۋ ورىندارىندا اۋعان ايەلدەرىنە كاسىپتىك-تەحنيكالىق ترەنينگتەر وتكىزۋ جانە ولاردى دايارلاۋ بويىنشا ەكسپەريمەنتتىك جوبانى باستاۋ نيەتى تۋرالى ايتىلدى.
وتىرىستا بۇۇ باس حاتشىسىنىڭ ارنايى وكىلى جانە بۇۇ-نىڭ اۋعانستانعا كومەك كورسەتۋ ميسسياسىنىڭ باسشىسى تاداميچي ياماموتو اۋعانستاننىڭ قاۋىپسىزدىك جاعدايىنا جانە پارلامەنتتىك سايلاۋلارىنا كەدەرگى تۋ قاۋپىنە الاڭداۋشىلىعىن ءبىلدىردى. دەگەنمەن, ارنايى وكىل اۋعانستاندا ماڭىزدى شەشىمدەر قابىلداۋ ۋاقىتى كەلگەنىن اتاپ ءوتتى. «بۇل شەشىمدەر قوعام نەگىزىنە جانە اۋعانستاننىڭ بولاشاعىنا ىقپال ەتەتىن بولادى», - دەدى ت. ياماموتو.
ەستەرىڭىزگە سالساق, اۋعانستانداعى پارلامەنتتىك سايلاۋلار 2018 جىلدىڭ 20 قازانىنا جوسپارلانعان. وندا اۋعانستان ۇلتتىق اسسامبلەياسى تومەنگى پالاتاسىنىڭ مۇشەلەرى سايلانباق. سوڭعى رەت پارلامەنتتىك سايلاۋلار 2010 جىلى وتكەن بولاتىن. اۋعانستان پارلامەنتىنىڭ وكىلەتتىك مەرزىمى 2016 جىلدىڭ 22 ماۋسىمىندا اياقتالدى, بىراق پرەزيدەنت اشراف گاني ەلدەگى قاۋىپسىزدىك جانە تۇراقسىزدىق سەبەپتەرىنە بايلانىستى سايلاۋدى كەيىنگە قالدىرعان بولاتىن.
