ەلباسى جولداۋىندا وڭىرلەردە سىرقات جاندارعا مەديتسينالىق قىزمەتتى جاقسارتىپ, زاماناۋي جابدىقتار مەن قوندىرعىلاردى ورناتۋ, ساننان گورى ساپاعا كوڭىل اۋدارۋ قاجەتتىگى ايتىلعان. مىنە, وسى باعىتتا وسكەمەندەگى وبلىستىق اۋرۋحانانىڭ كارديولوگيا بولىمشەسى زاماناۋي وزىق مەديتسينا اپپاراتتارىمەن جابدىقتالا باستادى. سوڭعى بىرەر جىلدا مۇندا جۇرەك-قان تامىرلارى, ينفاركت ميوكارداسى, ينسۋلت, باسقا دا سىرقاتتاردى ەمدەيتىن شەتەلدىك قوندىرعىلار ورناتىلعان. كارديولوگيا بولىمشەسىنىڭ مەڭگەرۋشىسى, جوعارى ساناتتى دارىگەر يننا ولەينيكتىڭ ايتۋىنشا, جۇرەك-قان تامىرلارىنا جينالعان حولەستەريندى كورونوگرامما ارقىلى تازارتۋ, جۇرەككە وپەراتسيا جاساۋ, يشەميالىق سىرقاتتاردى ەمدەۋ جاقسى جولعا قويىلعان.
– وكىنىشكە قاراي, اتەروسكلەروز, قورشاعان ورتانىڭ ءب ۇلىنۋى سالدارىنان ينفاركت, ينسۋلت, جۇرەكتىڭ يشەميالىق سىرقاتتارى «جاسارىپ» بارادى, – دەيدى بولىمشە مەڭگەرۋشىسى يننا الەكساندروۆنا. – سەنەسىز بە, قازىر, 27, 30, 35 جاستاعى جاستار جۇرەك سىرقاتىنا شالدىعا باستادى. دۇرىس تاماقتانباۋ, تازا اۋادا سەرۋەندەمەۋ, دەنساۋلىعىنا سالعىرت قاراۋ سالدارىنان ادامدار اۋرۋحاناعا ءجيى تۇسەدى. ءبىزدىڭ بولىمشەدە 20 مەدبيكە, 12 دارىگەر قىزمەت ەتەدى. ولاردىڭ بارلىعى ءوز ءىسىنىڭ ماماندارى. اتاپ ايتقاندا, دارىگەرلەر باقىت قايىربەكوۆا, ساۋلە كارمەنوۆا, گۇلميرا سماعۇلوۆا, گاۋحار بايداشەۆا, ايزادا سادىقوۆا, دارحان قارىمساقوۆ, اعا مەدبيكە كەنجەگۇل ماعجاەۆا, مەدبيكە شىنار مۇحامەدجانوۆا سىرقاتتاردىڭ قاس-قاباعىنا قاراپ, قولدان كەلگەن كومەكتەرىن ايامايدى. رەتى كەلگەندە ايتا كەتۋ كەرەك, سىرقاتتارعا بارلىق جاعداي جاسالعان, ءتورت مەزگىل تاماق بەرىلەدى.
كارديولوگيا بولىمشەسىمەن ىرگەلەس ەندوۆيسكۋليارلى حيرۋرگيا ءبولىمىن تاجىريبەلى, ءوز ءىسىنىڭ ءبىلىمدى دە بىلىكتى مامانى قۋاتجان ابىشەۆ باسقارادى. سەمەي مەديتسينا اكادەمياسىنىڭ تۇلەگى, ءنوۆوسىبىر قالاسىنداعى اكادەميك مەتالكيننىڭ كلينيكاسىندا ءبىلىمىن جەتىلدىرگەن, ۆاشينگتون, پاريج, ىستانبۇل قالالارىنداعى اتاقتى كلينيكالاردا تاجىريبەدەن وتكەن قۋاتجان مارات ۇلىنىڭ ايتۋىنشا, وتكەن جىلى ءوڭىردىڭ 4800 ادامىنا انگيوگراد ءتاسىلى ارقىلى وپەراتسيا جاسالعان. «ستەندگرافت ءتاسىلى (بىلەك تامىرىنان اسا ساپالى مەتالل جىبەرۋ ارقىلى بىتەلىپ قالعان جەردى اشۋ) ەۋروپادا العاش رەت 2011 جىلى, ءبىر جىلدان كەيىن قازاقستاندا قولدانىلعان. جۇرەك-قان تامىرلارىن ماي باسۋ قاۋىپتى سىرقاتقا اكەلەدى. سوندىقتان ادامدار مايلى تاعامدى شەكتەپ, تازا اۋادا ءجيى قىدىرعاندى ادەتكە اينالدىرعاندارى ءجون, – دەيدى بولىمشە مەڭگەرۋشىسى. – تەك جۇرەككە ستەند قويۋمەن شەكتەلمەي, ۇيقى بەزى, تامىر, بۇعانا, بۇيرەك, اياق, باسقا دا سىرقاتتاردى ەمدەۋگە تۋرا كەلەدى. انگيوگراد تاسىلىمەن ەمدەيتىن زاماناۋي اپپاراتتار الا باستادىق. باس, مي, اياق تامىرلارىنا قان جۇگىرتۋ سياقتى كۇردەلى وپەراتسيالاردى جاساۋ – مەديتسينانىڭ وزىق ۇلگىسى. وبلىستىق اۋرۋحانانىڭ باسشىلارى جايىق جۇماحانوۆ, ونىڭ ورىنباسارى تولەگەن جىگىتاەۆ كۇن سايىن جۇرەك سىرقاتىنا شالدىققاندارمەن جولىعىپ, ولاردىڭ تىلەگىنە قۇلاق اسادى, بارلىق جاعدايدى جاسايدى, كومەك كورسەتەدى».
ەندوۆيسكۋليارلى حيرۋرگيا بولىمشەسىندە قۋاتجاننان باسقا تاعى ءۇش بىلىكتى دارىگەر قىزمەت ەتەدى. دامير ءجۇنىسجانوۆ, رومان داۆىدوۆ, رۋسلان ساليموۆ بۇگىنگە دەيىن جۇزدەگەن سىرقاتتى ەمدەدى. ولار جىل سايىن شەتەلدىڭ وزىق كلينيكالارىندا ءبىلىم جەتىلدىرىپ ءجۇر.
سىرقاتى مەڭدەپ, قينالعان كەزدە قول ۇشىن سوزعان اق جەلەڭدى ابزال جاندارعا زايسان اۋدانىنان كەلگەن ەگىنشى جەڭىسبەك قابىلاش, دۇيسەن كۇدەروۆ سياقتى ازاماتتار العىستارىن جاۋدىردى.
وڭداسىن ەلۋباي,
جۋرناليست
وسكەمەن
سۋرەتتە: كارديولوگيا جانە ەندوۆيسكۋليار حيرۋرگياسىنىڭ دارىگەرلەرى
