قازىر جەتىسۋ توپىراعىندا وسكەن ازىق ت ۇلىك, كوكوىنىس پەن قاتار, ەت, ءسۇت, قۇس ونىمدەرىنە سۇرانىس جوعارى. اسىرەسە, ۇلكەن قالاداعى نارىققا جول تارتقان ونىمدەردىڭ وتىمدىلىگى بايقالادى. مۇنىڭ ءبىر دالەلىن جاقىندا استانا قالاسىندا وتكەن الماتى وبلىسىنىڭ كۇندەرى اياسىنداعى جارمەڭكەدەن بايقاۋعا بولادى. ەكى كۇن ىشىندە جەتىسۋ اگرارلارى جالپى قۇنى 270 ملن تەڭگە بولاتىن 470 توننا اۋىل شارۋاشىلىعى ءونىمىن ساۋداعا شىعارىپ ۇلگەرگەن.
جالپى, ەلورداداعى «قازاقستان» سپورت كەشەنىنىڭ جانىندا وتكەن جارمەڭكەگە جۇرت كوپ جينالدى. استانالىقتارعا ۇسىنىلعان ازىق-ت ۇلىك, كوكونىس ونىمدەرىنىڭ باعاسى ارزان, ساپاسى جوعارى بولعاندىقتان ساۋدا قىزىپ بەردى. بۇل جولى الماتى وبلىسىنىڭ 17 اۋدانى مەن 3 قالاسىنىڭ شارۋالارى 17,0 توننا ەت ونىمدەرنى, 21,9 توننا ءسۇت ونىمدەرىن, 12,4 توننا بالىق پەن 106,1 توننا كوكونىس, 43,4 توننا جەمىس-جيدەك جانە 43,3 توننا كارتوپ ونىمدەرىن بازارلادى. وسىلايشا , جەتىسۋلىق شارۋالار ەكى كۇن بويى وتكەن جارمەڭكەدە 48 ءتۇرلى ءونىم ساۋدالاپ, ەلوردا تۇرعىندارىنىڭ سۇرانىس قاناعاتتاندىرعان.
قالماحانبەت مۇقامەتقالي,
«ەگەمەن قازاقستان»
الماتى وبلىسى
