وبلىس اكىمى ق.كوشەرباەۆ شيەلى اۋدانىنا جۇمىس ساپارى بارىسىندا زاۋىتتىڭ قۇرىلىس جۇمىستارىمەن تانىسىپ, قىتاي حالىق رەسپۋبليكاسىنان ءبىلىم الىپ كەلگەن 17 جاس مامانمەن كەزدەستى.
قازىرگى تاڭدا, تسەمەنت وندىرەتىن زاۋىتتىڭ قۇرىلىس-مونتاج جۇمىستارى 90 پايىزعا اياقتالعان, ءوندىرىس ورنىنىڭ بولاشاق قىزمەتكەرلەرى قىتايدا ءبىلىم الۋدا.
ەستەرىڭىزگە سالايىق, جەرگىلىكتى تۇرعىنداردى جۇمىسقا تارتۋ ءۇشىن «گەجۋبا شيەلى تسەمەنت" كومپانياسى اۋدانداعى يندۋستريالدى كوللەدجدىڭ تۇلەكتەرىن – 46 ادامدى ءبىلىم الۋعا ءارى زاۋىتتا جۇمىس ىستەۋگە دايارلىقتان وتۋگە جىبەرگەن بولاتىن. ايماق باسشىسى وقۋىن ءتامامداپ كەلگەن العاشقى 17 تۇلەكپەن كەزدەستى. قازىرگى تاڭدا ەكىنشى توپپەن وقيتىن 80 ستۋدەنت ىرىكتەلىپ الىندى.
مەملەكەتتىك-جەكەمەنشىك ارىپتەستىك شەڭبەرىندە زاۋىتقا ەلەكتر جەلىسىمەن جابدىقتاۋ جانە تەمىر جول سالۋ جۇمىستارى جۇرگىزىلۋدە. سونداي-اق وبلىستىق بيۋدجەتتەن ونەركاسىپتىك ايماققا گاز قۇبىرىن سالۋ ءۇشىن قاراجات ءبولىندى.
ەستەرىڭىزگە سالايىق, شيەلىدەگى تسەمەنت وندىرەتىن زاۋىتتىڭ جوبالىق قۋاتى جىلىنا 1 ملن. توننانى قۇرايدى. جوبا اياسىندا 50 گەكتار جەر تەلىمى ءبولىندى, ونىڭ 46 گەكتارى ناقتى زاۋىت قۇرىلىسى ءۇشىن, ال ءتورت گەكتارىندا قىزمەتكەرلەرگە ارنالعان الەۋمەتتىك نىسانداردىڭ قۇرىلىسى جۇرگىزىلۋدە. كاسىپورىن ونىمدەرى ەۋرازيالىق ەكونوميكالىق وداق, تمد جانە قحر ەلدەرىنە جەتكىزىلەتىن بولادى. جوبانى ىسكە اسىرۋ ءۇشىن «DANAKE كورپوراتسياسى» جشس جانە قىتايلىق كومپانيا «Gezhouba Group Cement Co. Ltd» اياسىندا «كومپانيا گەجۋبا شيەلى تسەمەنت» جشس بىرلەسكەن كاسىپورنى قۇرىلدى.
زاۋىت تولىق ىسكە قوسىلعان كەزدە ونەركاسىپتە 220 تۇراقتى جۇمىس ورنى قۇرىلادى.
