جاڭا مەكتەپتە – جاڭاجىلدىق شىرشا

جىل سايىن جاڭا جىل قارساڭىندا ارميا گەنەرالى س.نۇرماعامبەتوۆ اتىنداعى «جاس ۇلان» رەسپۋبليكالىق مەكتەبىندە تاربيەلەنۋشىلەردى مەرەكەلىك قابىلداۋ ءراسىمى وتكىزىلەدى. بيىل ۇلاندىقتاردى قۇتتىقتاۋ جۋىردا عانا ەل پرەزيدەنتى اشقان جاڭا مەكتەپتىڭ قابىرعاسىندا جۇزەگە اسىرىلدى. سالتاناتتى شارانى قور­عا­نىس ءمينيسترىنىڭ ءبىرىنشى ورىن­باسارى – قورعانىس مينيسترلىگى شتابتار باستىقتارى كوميتەتىنىڭ توراعاسى, گەنەرال-پولكوۆنيك ءسا­كەن جاسۇزاقوۆ اشتى. ول بولاشاق وتان قورعاۋشىلاردى كەلە جات­قان جاڭا جىل مەرەكەسىمەن قۇت­تىقتاپ, جاڭا جىلدا جاڭا پارتالاردا وتىراتىندىقتارىن جانە دە مۇنىڭ ەڭ تاماشا سىيلىق ەكەندىگىن اتاپ ءوتتى. – ەل پرەزيدەنتى – قازاقستان رەسپۋبليكاسى قارۋلى كۇشتە­رى­نىڭ جوعارعى باس قولباسشىسى نۇرسۇلتان نازارباەۆتىڭ قامقور­لى­عىنىڭ ارقاسىندا اسكەري ينستيتۋتتار مەن مەكتەپتەردە جو­عارى دارەجەلى وقىتۋشىلار ءبىلىم بەرۋدە, وندا وقۋ-ماتەريالدىق با­زاسى مەن زاماناۋي ستاندارت­تارعا ساي جاعدايلار جاسالعان, –دەپ اتاپ ءوتتى گەنەرال-پولكوۆنيك ساكەن جاسۇزاقوۆ. مەكتەپتى بىتىرگەن كوپتەگەن تۇلەكتەر جوعارى اسكەري ءبىلىم الىپ قازاقستان ارمياسىنىڭ سا­پىندا وفيتسەرلىك قىزمەت اتقا­رۋ­دا. قورعانىس ۆەدومستۆوسى باس­شى­سىنىڭ ءبىرىنشى ورىنباسارى بۇگىندە وسى شاراعا قاتىسۋشى بالالاردىڭ كوپشىلىگى ەرتەڭ-اق الدىڭعى تولقىن اعالارىنىڭ ءىزىن باسىپ, حالىق سىيلايتىن اسكەري قىزمەتكەر ماماندىعىن تاڭداي­تىندىقتارىنا سەنىم ءبىلدىردى. بولاشاق اسكەري قىزمەت­كەر­لەر­گە سىيلىقتار تاپسىرىلدى. سالتاناتتى جاعدايدا اياز اتا جانە اقشاقارمەن بىرگە ولار جاڭاجىلدىق شىرشانىڭ وتىن جاقتى. وكسانا پارپۋرا, قورعانىس مينيسترلىگى ءباسپاسوز قىزمەتىنىڭ قىزمەتكەرى.