كاسىپوداق بەلسەندىلەرىنە سىي-قۇرمەت كورسەتىلدى

قازىرگى تاڭدا جەر-جەرلەردە تاۋەل­سىزدىگىمىزدىڭ 20 جىلدىق تورقالى تويىن لايىقتى اتاپ ءوتۋ شارالارىن ۇيىم­داس­تىرۋ جۇمىستارى ءوز دەڭگەيىندە ءجۇرىپ جاتىر. ءار سالانىڭ قىزمەتكەرلەرى مەرەكە كۇندەرى ەتكەن ەڭبەك پەن توككەن تەردىڭ ارقاسىندا ءتۇرلى ماراپاتقا يە بولىپ, مەرەيلەرى ۇستەم بولۋدا. سونداي ءىس-شارالاردىڭ ءبىرى وڭتۇستىكتەگى ۇلكەن وقۋ ورىنداردىڭ ءبىرى – م.اۋەزوۆ اتىنداعى وقمۋ-دا دا بولىپ ءوتتى. ونى ۇيىمداستىرۋعا وقۋ ورنىنىڭ كا­سىپوداق ۇيىمى مەن ستۋدەنتتىك كاسىپ­وداق ۇيىمى مۇرىندىق بولدى. وقۋ ورنىنىڭ باسشىلىعى جينال­عان­داردى تاۋەلسىزدىكتىڭ 20 جىلدىق مە­رەكەسىمەن قۇتتىقتاپ, تاۋەلسىزدىككە قول جەتكىزۋدە كاسىپوداقتىڭ دا مول ۇلە­سى بار ەكەندىگىن اتاپ ءوتتى. اتاپ ايتۋ كەرەك, جىل وتكەن سايىن كاسىپوداق ۇيى­مىنا سەنىم ارتۋشىلار سانى ارتا ءتۇ­سۋدە. بۇل دەگەن ۋنيۆەرسيتەتتە ەڭبەك ەت­ىپ جۇرگەن قىزمەتكەرلەر مەن ءبىلىم الىپ جۇرگەن بارلىق ستۋدەنتتەردىڭ قۇ­قى­عى مەن الەۋمەتتىك جاعدايىن جان-جاق­تى جاقسارتۋدى ماقسات تۇتاتىن ۇيىم جۇمىسىنىڭ جاقسى جولعا قوي­ىلعانىن دالەلدەي تۇسسە كەرەك. ءنا­تيجەسى دە كوپشىلىكتىڭ كوز الدىندا. سالتاناتتى باسقوسۋدا جىلدى قو­رى­تىندىلاي كەلە ۋنيۆەرسيتەتىمىزدىڭ جان-جاقتى دامۋىنا جانە ەلىمىزدى يننوۆاتسيالىق تىڭ يدەيالارى ارقىلى دامىتۋ جولىندا ايانباي ەڭبەك ەتىپ كەلە جاتقان پروفەسسور-وقىتۋشىلار قۇ­را­مى كاسىپوداق كەڭەسىنىڭ توسبەلگى­سىمەن, العىس حاتتارمەن, ديپلومدارمەن ماراپاتتالدى. سونداي-اق, مەملەكەتتىك جاستار سايا­ساتىن جۇزەگە اسىرۋ جولىندا ەڭبەك ەتىپ جۇرگەن بەلسەندى ستۋدەنتتەر دە ال­عىس حاتتارمەن ماراپاتتالسا, ال ۇيىم قامقورلىعىندا جۇرگەن اتا-اناسىنان ايىرىلعان 26 ستۋدەنتكە قارجىلاي سىي­­اقى بەرىلدى. سوڭى مەرەكەلىك كونتسەرتكە ۇلاستى. قۋانىش مۇسابەكوۆ,  م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى كاسىپوداق ۇيىمىنىڭ توراعاسى. شىمكەنت.