كەزدەسۋ بارىسىندا بىرلەسكەن ينۆەستيتسيالىق جوبالاردى ىسكە اسىرۋ جونىندە بانكپەن ىنتىماقتاستىق ورناتۋ ماسەلەلەرى, سونداي-اق, ەلىمىزدىڭ مۇناي سالاسىندا حەدجەرلەۋ قۇرالدارىن پايدالانۋ ماسەلەلەرى تالقىلاندى. اتاپ ايتقاندا, «استانا» حالىقارالىق قارجى ورتالىعى بيرجاسىندا قازاقستاندىق كومپانيالاردى جەكەشەلەندىرۋگە حالىقارالىق ينۆەستورلاردى تارتۋ كەلەشەگى قارالدى.
The Goldman Sachs Group, Inc. — ينۆەستيتسيالىق بانكينگپەن, قۇندى قاعازداردى ساتۋمەن, ينۆەستيتسيالىق مەنەدجمەنتپەن جانە وزگە دە قارجى قىزمەتتەرىمەن اينالىساتىن, قارجى كونگلومەراتى سانالاتىن, الەمدەگى ءىرى ينۆەستيتسيالىق بانكتەردىڭ ءبىرى. 2013 جىلدان باستاپ دوۋ-دجونستىڭ ونەركاسىپتىك يندەكسىنە كىرەدى. ماركۋس گولدمان 1869 جىلى كومپانيانىڭ نەگىزىن قالاعان. شتاب-پاتەرى نيۋ-يورك قالاسىندا ورنالاسقان.
Goldman Sachs كورپوراتيۆتىك جانە ينۆەستيتسيالىق بانكينگ سالاسىنداعى الەمدەگى ءىرى ويىنشىلاردىڭ ءبىرى رەتىندە وبليگاتسيالاردى شىعارۋ مەن ءتۇرلى ۇيىمدار مەن مەملەكەتتىك, كۆازيمەملەكەتتىك جانە جەكە سەكتورلاردىڭ كومپانيالارىنىڭ اكتسيالارىن ورنالاستىرۋ سالاسىنداعى الەمدەگى باستى ۇيىمداستىرۋشى ءرولىن اتقارادى.
