اتالمىش بايقاۋعا قىزىلوردا وبلىسىنىڭ ىشكى ىستەر دەپارتامەنتىنىڭ كريمينالدىق پوليتسيا باسقارماسى, ۇيىمداسقان قىلمىسقا قارسى كۇرەس باسقارماسى, ەسىرتكى بيزنەسىنە قارسى كۇرەس باسقارماسى, ەكسترەميزمگە قارسى ءىس-قيمىل باسقارماسى, قىزىلوردا قىىب-ى, اۋداندىق ىشكى ىستەر بولىمدەرىنىڭ جانە قر ءىىم-ءنىڭ بايقوڭىر قالاسىنداعى وكىلدىگىنىڭ كريمينالدىق پوليتسيا ءبولىمىنىڭ قىزمەتكەرلەرى قاتىستى.
ەرەجەگە سايكەس, «ۇزدىك جەدەل ۋاكىل» بايقاۋ-كونكۋرسىنا ءوزىنىڭ قىزمەتتىك مىندەتتەرىن ادال ورىندايتىن 16 جەدەل قىزمەتكەرلەر قاتىسىپ, وزدەرىنىڭ شەبەرلىكتەرىن كورسەتتى.
بايقاۋعا قاتىسۋشىلار اتىس, دەنە شىنىقتىرۋ دايىندىعى جانە كۇرەستىڭ جاۋىنگەرلىك تاسىلدەرى بويىنشا سىناقتاردى تاپسىرۋ ارقىلى ەكسترەمالدىق جاعدايلارداعى ءىس-قيمىلدارعا جارامدىلىققا سىناقتان ءوتتى.
سايىس بارىسىندا دەپارتامەنت باستىعىنىڭ ءبىرىنشى ورىنباسارى پوليتسيا پولكوۆنيگى عاني تولەباەۆ بارلىق قاتىسۋشىلارعا ساتتىلىك تىلەدى.
كونكۋرس ناتيجەسىمەن «ۇزدىك جەدەل ۋاكىل» نوميناتسياسى ءوىىد كريمينالدىق پوليتسيا باسقارماسىنىڭ اعا جەدەل ۋاكىلى پوليتسيا كاپيتانى عاني مۇقانوۆقا بەرىلدى.
ەكىنشى ورىندى قىزىلوردا قىىب كريمينالدىق پوليتسيا ءبولىمىنىڭ جەدەل ۋاكىلى پوليتسيا اعا لەيتەنانتى بەيبارىس قالىمبەتوۆ, ءۇشىنشى ورىندى قر ءىىم-ءنىڭ بايقوڭىر قالاسىنداعى وكىلدىگىنىڭ كريمينالدىق پوليتسيا ءبولىمىنىڭ جەدەل ۋاكىلى پوليتسيا اعا لەيتەنانتى ماقسات سارباسوۆ يەلەندى.
جەڭىمپازدار دەپارتامەنتتىڭ گراموتالارىمەن جانە ديپلومدارىمەن ماراپاتتالىپ, ولارعا ەستەلىك سىيلىقتار تابىستالدى.
