قازاقستان • 03 قىركۇيەك، 2018

باعدات قاراساەۆ ىلە اۋدانىنىڭ اكىمى قىزمەتىنە تاعايىندالدى

834 رەت كورسەتىلدى

تالدىقورعاننىڭ ەكس-اكىمى الماتى وبلىسىنىڭ ىلە اۋدانىنا اكىم بولىپ تاعايىندالدى. باعدات قاراساەۆ زەينەتكەرلىككە شىققان قىدىركەلدى مەدەۋوۆتىڭ ورنىنا باردى، دەپ حابارلايدى الماتى وبلىسى اكىمىنىڭ ءباسپاسوز قىزمەتى.

الماتى وبلىسىنىڭ اكىمى اماندىق باتالوۆ قر پرەزيدەنتى اكىمشىلىگىنىڭ كەلىسىمىمەن ىلە اۋدانىنا اكىم ەتىپ باعدات قاراساەۆتى تاعايىندادى. اۋدان اكتيۆىنە جاڭا اكىمدى ءوڭىر باسشىسى ءوزى تانىستىردى. اۋداندى وسى ۋاقىتقا دەيىن باسقارىپ كەلگەن قىدىركەلدى مەدەۋوۆ زەينەت جاسىنا جەتكەندىكتەن، قىزمەتىنەن بوساتىلدى. 

قاراساەۆ باعدات ءابىلماجىن ۇلى 1964 جىلى دۇنيەگە كەلگەن. الماتى تەمىر جول كولىگى ينستيتۋتىندا «ينجەنەر-مەحانيك»، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىندە «مەملەكەتتىك باسقارۋ باكالاۆرى» ماماندىعىن مەڭگەرىپ شىققان.

العاشقى ەڭبەك جولىن تالدىقورعان وبلىسى، اندرەەۆ اۋدانىندا كاسىبي-تەحنيكالىق ۋچيليششەدە مۇعالىم بولىپ باستاعان. ءار جىلداردا وسى وقۋ ورنى ديرەكتورىنىڭ ورىنباسارى، ديرەكتورى، «الاكول-اگرو» جانە «قايىڭدى» جشس ديرەكتورى، الاكول اۋدانى اكىمىنىڭ ورىنباسارى، الاكول اۋدانى اكىمى، الماتى وبلىسى اكىمىنىڭ اپپارات جەتەكشىسى جانە قر پرەزيدەنت اكىمشىلىگىنىڭ مەملەكەتتىك ينسپەكتورى بولىپ قىزمەت ەتكەن. 2015 جىلدان 2018 جىلدىڭ مامىر ايىنا دەيىن تالدىقورعان قالاسىنىڭ اكىمى بولدى.

سوڭعى جاڭالىقتار

ۇقساس جاڭالىقتار