جىل سايىن ءداستۇرلى تۇردە وتەتىن وبلىستىق تامىز كەڭەسىندە وڭىردەگى ۇزدىك مۇعالىمدەرمەن قاتار ايماقتاعى ۇزدىك ءبىلىم ورداسى دا انىقتالاتىنى بەلگىلى. بيىل اياگوز قالاسىنداعى №5 ورتا مەكتەپ ۇجىمى وبلىستاعى جىلدىڭ ۇزدىك ءبىلىم بەرۋ مەكەمەسى اتانىپ, ءوڭىر باسشىسى دانيال احمەتوۆتىڭ قولىنان 22 ملن تەڭگەنىڭ سەرتيفيكاتىن سالتاناتتى تۇردە الدى.
بۇل مەكتەپ نەسىمەن وزگەشە؟ وزگەشەلىگى سول, 53 جىلدىق تاريحى بار وقۋ ورنى زامان تالابىنا ساي يننوۆاتسيالىق, موديفيكاتسيالىق قۇرالدارمەن تولىق جابدىقتالعان. مۇنداعى تۇلەكتەر اتتەستاتپەن قاتار كولىك جۇرگىزۋ داعدىلارىن دا ۇيرەنىپ, كۋالىك الىپ شىعادى. مۇمكىندىكتەرى شەكتەۋلى بالالاردى جالپى ءبىلىم ۇردىسىنە تولىق ەنگىزۋ جانە الەۋمەتتىك بەيىمدەۋگە باعىتتالعان ينكليۋزيۆتى سىنىپتار دا جۇمىس ىستەيدى. ارينە 22 ميلليون تەڭگە از اقشا ەمەس. «بۇل قاراجات قالاي جۇمسالادى ەكەن؟» دەپ قىزىعۋشىلىق تانىتىپ وتىرعان جاندار دا جوق دەۋگە بولماس. وسى ساۋالدى ءبىز مەكتەپ ديرەكتورى اينۇر قاناپيانوۆانىڭ وزىنە قويدىق. «بۇل قاراجاتتى مەكتەپتىڭ ماتەريالدىق-تەحنيكالىق بازاسىن نىعايتۋعا جۇمسايمىز. ءبىز سوڭعى ءۇش جىل ۋاقىت ارالىعىنداعى اتقارعان جۇمىستارىمىزدىڭ قورىتىندىسىمەن وسىنداي جەتىستىككە جەتتىك. قاڭتار ايىنان باستاپ وقۋ, تاربيە, وقۋشىلاردىڭ جەتكەن جەتىستىكتەرى, عىلىمي جۇمىستارىن ساراپتاپ, جيناپ ءساۋىر ايىندا بايقاۋعا تاپسىردىق. قورىتىندىسىن ەستىگەندە, قۋانىشىمىزدا شەك بولمادى», دەيدى مەكتەپ ديرەكتورى.
بۇگىندە مەكتەپتە 1040 بالا وقيدى, 105 مۇعالىم ەڭبەك ەتەدى.
ازامات قاسىم,
«ەگەمەن قازاقستان»
شىعىس قازاقستان وبلىسى,
اياگوز اۋدانى
