«بارشاڭىزدى جاڭا پارلامەنتتىك ماۋسىمنىڭ باستالۋىمەن قۇتتىقتايمىن. سىزدەر جازدا وڭىرلەردى ارالاپ, ەلدىڭ تىنىس-تىرشىلىگىمەن جەتىك تانىستىڭىزدار. حالىقتى نە تولعاندىراتىنىن, قانداي ماسەلەلەر بار ەكەنىن كوزبەن كورىپ, ءبىلىپ كەلدىڭىزدەر. ول بارشا قازاقستاندىقتاردىڭ ءال-اۋقاتىن جاقسارتۋ جولىنداعى قىزمەتتەرىڭىزگە قاجەت. كەزەك كۇتتىرمەي قولعا الىنۋعا ءتيىستى ماڭىزدى جۇمىستار قازىردىڭ وزىندە جەتكىلىكتى. قوس پالاتانىڭ بىرلەسكەن وتىرىسىندا باسىمدىقتاردى ايقىنداپ, بىردەن ىسكە كىرىسۋىمىز كەرەك. ستراتەگيالىق نىسانا بارىمىزگە بەلگىلى. ول ءوزىمىز قابىلداعان 2050-ءشى دەيىنگى ستراتەگيانىڭ نەگىزگى الدىعا قويعان ماقساتى 30 ەلدىڭ قاتارىنا قوسىلۋ - ءبىزدىڭ اينىماس مەجەمىز. دايەكتى ساياسات پەن كەشەندى شارالار جۇرگىزىپ, ماقساتتى تۇردە العا باسىپ كەلەمىز», - دەدى ەلباسى.
بىرلەسكەن وتىرىسقا قر پرەمەر-ءمينيسترى, قر مەملەكەتتىك حاتشىسى, قر پرەزيدەنتى اكىمشىلىگىڭ باسشىسى, قر جوعارعى سوتى, ۇكىمەت مۇشەلەرى, سەناتتىڭ 47 دەپۋتاتىنىڭ 45-ءى, ءماجىلىستىڭ 107 دەپۋتاتىنىڭ 106-سى, قر پرەزيدەنتىنە تىكەلەي ەسەپ بەرەتىن جانە باعىناتىن ورگان باسشىلارى, ۇلتتىق كومپانيالار مەن مەملەكەتتىك ۇيىمدار جەتەكشىلەرى قاتىسىپ وتىر.
