23 جەلتوقسان، 2011

ۇيىم وكىلدەرىمەن جۇزدەستى

196 رەت كورسەتىلدى
الماتى قالاسىندا ەقىۇ-نىڭ قازاقستانداعى وكىلدەرى مەن «رۋحانيات» پارتياسى مۇشە­لەرى­نىڭ اراسىندا كەزدەسۋ بولىپ، رەسمي وتىرىستى «رۋحانيات» پار­تيا­سىنىڭ توراعاسى سەرىكجان ءمام­بەتالين جۇرگىزدى. كەزدەسۋ بارىسىندا تاراپتار ءوزارا پىكىر الماسىپ، بۇگىنگى الەم­دىك جانە ەلىشىلىك ساياسي باعدار تۋراسىندا كوزقاراستارىمەن ءبو­لىس­تى. سەرىكجان مامبەتالين سايلاۋ كەزەكتەن تىس بەلگىلەنسە دە، «رۋحانيات» پارتياسى ۇگىت-نا­سي­حات ناۋقانىن قاجىرلى جۇرگىزىپ جاتقانىن ايتىپ، سايلاۋالدى شارالار جونىندە: «م.شاحانوۆ – سوڭعى قىرىق جىل بويى ۇلتتىق-پاتريوتتىق ءىس-شارالاردىڭ ورتا­سىن­دا جۇرگەن ازامات. جيناعان بەدەلى ءبىزدىڭ رەيتينگىمىزدى كۇرت ءوسىردى. بۇل باسقا پارتيالاردىڭ ال­دىنداعى وزگەشەلىگىمىز»، دەپ اتاپ ءوتتى. «رۋحانيات» پارتياسى اتىنان پارلامەنت ءماجىلىسى دەپۋتاتتى­عى­نان ۇمىتكەر سەرىكحان جاقىپوۆ ۇگىت-ناسيحات جۇمىسىن جۇرگىزۋگە ۋاقىتتىڭ جەتكىلىكسىزدىگىن، ساي­لاۋ­الدى ناۋقانى بىرنەشە مەيرامدارمەن سايكەس كەلىپ، سايلاۋ­شى­لارمەن كەزدەسۋگە ۋاقىتتىڭ تاپشىلىعىن جانە قارجىنىڭ از­دىق ەتىپ جاتقاندىعىن مالىمدەدى. «بۇعان دەيىنگى سايلاۋلاردا قارجى مەملەكەت تاراپىنان بولىنەتىن. پارتيالىق تىزىمدەگى كوپتەگەن ازاماتتار ءۇشىن 240 مىڭ تەڭگە تابۋ قيىندىق تۋدىردى. شەت ايماق­تار­عا جاسالعان ساپارلارعا جۇم­سا­لاتىن قارجىنى دا اركىم ءوز قال­تا­سىنان تولەپ وتىر»، دەدى ءبىراز ءما­سەلەلەرگە توقتالعان س.جاقىپوۆ. سەرىكجان مامبەتالين ەقىۇ وكىلدەرىنەن سايلاۋدىڭ ءادىل ءوتۋىن قاداعالاپ، ور­تا­لىق سايلاۋ كو­ميس­سياسى مەن سايلاۋشىلار اراسىندا دانەكەر بولۋىن سۇرادى. بۇدان بولەك، «رۋحانيات» پار­تيا­سىنىڭ نەگىزگى ەلەكتوراتى اۋىلدى جەرلەردە، شالعاي ايماقتاردا ور­نالاسقاندىقتان، ۇمىتكەرلەر مەن جەرگىلىكتى باسقارۋ قىزمەتكەرلەرى اراسىندا كەيبىر كەلىسپەۋشىلىكتەر تۋىنداعانىن دا ايتىپ ءوتتى. قانات ەسكەندىر.
سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار