وسى ورايدا 1 تامىز 30 قىركۇيەك ارالىعىندا «جاڭا عاسىر» №175 گيمنازيا قابىرعاسىندا «مەنىڭ تاڭداۋىم – بالالارعا كومەك كورسەتۋ!» شاراسى وتۋدە. جوسپارلانعان ءىس-شارالاردىڭ ۋاقىتىندا وتكىزىلۋىن قامتاماسىز ەتۋگە بايلانىستى ءىس-شارالار جوسپارى بەكىتىلىپ, ۇجىم باسشىسى مەن ۇستازدارى بەلسەندى اتسالىسۋدا. قازىرگى كەزدە ء«بىرىنشى سىنىپقا ءبىرىنشى رەت», ء«بىرىنشى سىنىپ وقۋشىلارىنا سىيلىق» جانە تاعى باسقا شارالار قولعا الىنعان.
الەۋمەتتىك قورعالماعان وتباسى بالالارىنا «Angelher» تىگىن كومپانياسىنىڭ مەكتەپ فورماسى, «يمران» تىگىن كومپانياسى سپورتتىق كيىمدەرىن تەگىن الۋعا مۇمكىندىك قاراستىرىلعان. اۋەزوۆ اۋداندىق ءبىلىم ءبولىمى دە ءبىرىنشى سىنىپقا كەلەتىن 20 وقۋشىعا مەكتەپكە قاجەتتى قۇرالدار, سومكەلەر, ورتا بۋىن وقۋشىلارىنا مەكتەپ فورمالارىن تاراتتى.
الەۋمەتتىك پەداگوگ سىمبات بىرىمقۇلوۆانىڭ ايتۋىنشا, وقۋ جىلىنىڭ العاشقى ايىندا «جاقسىلىق جاساي بىلەيىك», ء«بىز تالاپتى بالدىرعان – ۇلگى الامىز جاقسىدان», «رياسىز جاقسىلىق» تاقىرىبىندا وقۋشىلارمەن ءتۇرلى پىكىر-تالاستار, سىنىپ ساعاتتارى, دوڭگەلەك ۇستەلدەر وتكىزۋ جوسپارلانۋدا. بۇگىنگى كۇنى سونىمەن قاتار, گيمنازيانىڭ وقۋ-تاربيە ءىسى ورىنباسارلارىنىڭ جەتەكشىلىگىمەن «تاۋگۇل-3» ىقشاماۋدانى اۋماعىنداعى كومپيۋتەرلىك كلۋبتاردا, ويىن-ساۋىق ورتالىقتارىندا كامەلەتتىك جاسقا تولماعان جاسوسپىرىمدەردىڭ كەشكى ساعات 20:00-دەن كەيىنگى ۋاقىتتا بەي-بەرەكەت, قاراۋسىز جۇرمەۋىن الدىن الۋ ماقساتىندا كەشكى تەكسەرۋ شارالارى جۇرگىزىلۋدە.
ەلۆيرا سەرىكقىزى,
«ەگەمەن قازاقستان»
الماتى
