قازاقستاننىڭ الەمدىك اۋقىمداعى بەدەلى بيىك

پرەزيدەنت نۇرسۇلتان نازارباەۆتى قازاقستان تاۋەلسىزدىگىنىڭ مەرەيتويىمەن شەت مەملەكەتتەردىڭ, حالىقارالىق ۇيىم­دار­دىڭ, بىرقاتار الەمدىك كومپانيالاردىڭ باسشىلارى, وزگە ەل­دەر­دىڭ قوعامدىق ساياسي قايراتكەرلەرى مەن ازاماتتارى قۇتتىقتادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. «وتكەن جىلدار ىشىندە قا­زاق­ستان دامۋدىڭ جان-جاقتى جانە ىرعاقتى جولىنان ءوتتى. ساياسي, الەۋمەتتىك جانە گۋمانيتارلىق سالادا جۇرگىزىلگەن رەفورمالار, سون­داي-اق الەمدىك قوعامداستىقپەن ينتەگراتسيالانۋ باعىتىندا جاسالعان ماڭىزدى قادامدار قازىرگى زامانعى قازاقستاننىڭ بەينەسىن قالىپ­تاستىرىپ, ءسىزدىڭ ەلىڭىزگە الەمدىك ارەنادا ۇلكەن بەدەل اكەلدى» دەلىنگەن ازەربايجان رەسپۋبليكاسىنىڭ پرەزيدەنتى  يلحان اليەۆتىڭ قۇت­تىقتاۋ جەدەلحاتىندا. كاتار مەملەكەتىنىڭ ءامىرى حاميد بەن حاليفا ءال تاني ءوز قۇتتىقتاۋىندا ءبىزدىڭ حالقىمىزعا ودان ءارى وركەندەۋ مەن پروگرەسس, سون­داي-اق ەكى ەل اراسىنداعى ىنتى­ماقتاستىق بايلانىستاردى نىعايتا ءتۇسۋدى تىلەيدى. پالەستينا مەملەكەتىنىڭ پرەزيدەنتى ماحمۋد ابباس مەملەكەت باسشىسىن قازاقستان تاۋەل­سىز­دى­گىنىڭ 20 جىلدىعىمەن قۇتتىقتاي وتىرىپ «ءبىز ءسىزدىڭ تۋىستىق قولداۋىڭىزدى جانە ءسىزدىڭ پالەستينا حالقىمەن ىنتىماقتاستىعى­ڭىز­دى جوعارى با­عا­لايمىز, ءبىزدىڭ تۋىستىق قارىم-قا­تىناستارى­مىز­دى, ءوزارا سىيلاستىق پەن قۇرمەتتى ماقتان تۇتامىز» دەپ اتاپ كور­سەتكەن. برازيليا فەدەراتيۆتى رەسپۋب­ليكاسىنىڭ پرەزيدەنتى ديلما رۋسسەفتىڭ قۇتتىقتاۋ جەدەلحا­تىن­دا بىلاي دەلىنگەن: «ءسىزدىڭ باس­شى­لىعىڭىزبەن ەل جاڭعىرۋدىڭ ينتەنسيۆتى جانە جەمىستى ۇدەرىسىنەن ءوتتى. ءسىزدىڭ جوعارى مارتەبەڭىزدىڭ نۇسقاۋلارىنا سايكەس جۇرگىزىلگەن سىرتقى ساياسات ەۋروپا مەن ازيا اراسىنداعى كوپىر رەتىندە ماڭىزدى ءرول اتقارا وتىرىپ, ورتالىق ازيا­داعى دامۋ مەن تۇراقتىلىققا ءوز ۇلەسىن قوستى. حالىقارالىق قوعام­داستىق يادرولىق قارۋدى تاراتپاۋ جانە تۇراقتى دامۋ ىسىنە قوسقان ءسىزدىڭ ۇلەسىڭىزدى مويىندادى. قا­زاقستاننىڭ اتالعان جاھاندىق جانە كوكەيكەستى ماسەلەلەردە ما­ڭىز­دى ءرول اتقاراتىنىن نازارعا الا وتىرىپ مەن ءسىزدىڭ جوعارى مارتەبەڭىزدى 2012 جىلى ريو-دە-جانەيرودا وتەتىن بۇۇ-نىڭ تۇ­راق­تى دامۋ جونىندەگى ريو+20 كون­فەرەنتسياسىنا قاتىسۋعا شاقى­رۋىم­دى تاعى دا قايتالايمىن». ۇجىمدىق قاۋىپسىزدىك شارت ۇيىمىنىڭ باس حاتشىسى ن.بورديۋجا نۇرسۇلتان نازارباەۆقا ەۋرازيا كەڭىستىگىندەگى قاۋىپسىزدىك پەن تۇراقتىلىقتى نىعايتۋ جونىندەگى جىگەرلى كۇش-جىگەرى ءۇشىن, ۇقشۇ قىزمەتىنە تۇراقتى نازار اۋدارىپ وتىراتىندىعى ءۇشىن ريزاشىلىعىن بىلدىرەدى. م.ۆ.لومونوسوۆ اتىنداعى ءماس­كەۋ مەملەكەتتىك ۋنيۆەرسيتەتىنىڭ رەكتورى, ۋنيۆەرسيتەتتەردىڭ ەۋر­ا­زيا­لىق اسسوتسياتسياسىنىڭ پرەزيدەنتى, رعا ۆيتسە-پرەزيدەنتى ۆ.سا­دوۆنيچي ءوز قۇتتىقتاۋىندا بىلاي دەپ جازادى: «تاۋەلسىزدىك جىلدارى ىشىندە قازاقستان ءسىزدىڭ باسشى­لى­عىڭىزبەن دامۋدا تاماشا تا­بىس­تارعا قول جەتكىزىپ, الەمدە لايىقتى ورنىن الدى. قازاقستان حالقىنىڭ جەتىستىكتەرى مەن رەسەيدەگى جانە بۇكىل الەمدەگى قازاقستان رەسپۋب­ليكاسىنا دەگەن ۇلكەن قۇرمەت سو­نىڭ جارقىن دالەلى بولىپ تابى­لادى. م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتى ەۋرازيالىق وداق قۇرۋ يدەياسىنىڭ تۇڭعىش رەت وسىدان 17 جىل بۇرىن ممۋ قابىرعاسىندا حابار­لان­عانىن ماقتان ەتەدى». «شەۆرون» كورپوراتسياسىنىڭ دي­رەكتورلار كەڭەسىنىڭ بۇرىنعى ءتور­اعاسى جانە باس اتقارۋشى دي­رەك­تورى  دەۆيد ءو`رايلليدىڭ قۇت­تىقتاۋىندا بىلاي دەپ اتاپ ءوتىل­گەن: «ءوزى قۇرىلعان كۇننەن بەرگى كەزەڭدەگى ەلدىڭ تاڭقالارلىق ەكو­نو­ميكالىق ءوسىمى – ءسىزدىڭ پايىمىڭىز بەن باسشىلىعىڭىزدىڭ دۇرىس­تى­عىنىڭ دالەلى. ءسىز ءوزىڭىز جانە ءسىزدىڭ وتان­داستارىڭىز تاۋەلسىز­دىك­تىڭ 20 جىلى ىشىندە قول جەتكىزگەن تابىس­تا­رى ءۇشىن زور ماقتانىش سەزىمىنە بولەنۋگە تيىسسىزدەر. جەكە باسىم­دا­عى جاڭالىقتى ورتاعا سالا وتى­رىپ, ءوزىمنىڭ ءتورتىنشى نە­مە­رەمنىڭ 2011 جىلدىڭ 16 جەلتوق­سانىندا تۋ­عانىن حابارلاعىم كەلەدى. اتا-انالارى ونى گرەم كرۋدنيەر دەپ اتادى. مەن ولارعا باستاپقى «ك» ءارىپى قازاقستان ءسوزىنىڭ سيم­ۆولى بولىپ تابىلادى, سوندىقتان ولار نەمەرەمدى ەكىنشى ەسىمىمەن – نۇر­سۇلتان دەپ اتاۋى كەرەكتىگىن ايت­تىم!». سول سياقتى ءۇندىستان رەسپۋب­ليكاسىنىڭ  پرەزيدەنتى پراتيبحي ديبيسينگح پاتيلادان, يزرايل مەملەكەتىنىڭ پرەزيدەنتى شيمون پەرەستەن, اۆستراليا وداعىنىڭ گەنەرال-گۋبەرناتورى كۆەنتين براي­ستان, ليۆان رەسپۋبليكاسىنىڭ پرەزيدەنتى ميشەل سۋلەيماننان, الجير حالىق دەموكراتيالىق رەسپۋبليكاسىنىڭ پرەزيدەنتى ابدەل ازيز بەتيفليكتەن, اۋعانستان يسلام رەسپۋبليكاسىنىڭ پرەزيدەنتى حاميد كارزايدان, شري-لانكا دەموكراتيالىق سوتسياليستىك رەسپۋبليكاسىنىڭ پرەزيدەنتى ماحيندا رادجاپاكسىدان, جاپونيا يمپەراتورى اكيحيتودان, ءۇندىستان رەسپۋبليكاسىنىڭ پرەمەر-ءمينيسترى مانموحان سينگحتەن, كاتار مەملەكەتىنىڭ پرەمەر-ءمينيسترى حا­ماد بەن دجاسەم بەن دجابەر ءال تانيدەن, كاتار مەملەكەتىنىڭ تاق مۇراگەرى تاميم بەن حاماد ءال تانيدەن, رەسەي فەدەراتسياسى سىرتقى بارلاۋ قىزمەتىنىڭ ديرەكتورى م.فرا­دكوۆتان, رف جوعارعى سوتى­نىڭ توراعاسى ۆ.لەبەدەۆتەن, رف فج مەملەكەتتىك دۋماسىنىڭ دە­پۋ­تاتى, كسرو حالىق ءارتىسى ي.كوبزوننان, ماسكەۋ وبلىسىنىڭ گۋبەر­نا­تورى ب.گروموۆتان, ومبى وبلى­سى­نىڭ  گۋبەرناتورى ل.پولەجاەۆتان, حالىقارالىق ارحيتەكتۋرا اكا­دەمياسىنىڭ پرەزيدەنتى يۋ.پلاتونوۆتان, ورال مەملەكەتتىك زاڭ اكادەمياسىنىڭ رەكتورى ۆ.بۋبليكتەن, م.ۆ.لومونوسوۆ اتىنداعى ممۋ-دىڭ قازاقستاندىق فيلي­الى­نىڭ ديرەكتورى ا.سيدوروۆيچتان, دنەپرودزەرجينسك قالاسىنىڭ (ۋك­راينا) باسشىسى س.سافرونوۆادان, تمد ۇكىمەت باسشىلارى كەڭەسى جانىنداعى ينتەرناتسيوناليست-جاۋ­ىنگەرلەر ىستەرى جونىندەگى كوميتەت توراعاسى ر.اۋشەۆتەن, «ەك­سون موبيل» كورپوراتسياسىنىڭ ءتور­اعاسى ر.تيللەرسوننان, «Radington Industrial» كومپانياسىنىڭ اتقا­رۋ­شى ديرەكتورى ر.گلينيچاننان, «ENI» كومپانياسىنىڭ وكىلى ك.دەس­كالتسيدەن قۇتتىقتاۋلار كەلىپ ءتۇستى.