جىلۋ ماۋسىمىنا دايىندىق جوسپار بويىنشا جۇرگىزىلۋدە. بۇل تۋرالى استانا اكىمى ۇكىمەت وتىرىسىندا مالىمدەدى.
اسەت يسەكەشەۆتىڭ ايتۋىنشا قالا ءۇشىن قاجەتتى وتىن دايىن, ونىڭ ىشىندە كومىر – 200 مىڭ توننادان استام, مازۋت – 6 مىڭ توننادان استام. جانار-جاعارماي قورى كەلەسىدەگىدەي ءبولىندى: قاتتى وتىن – جەو-1-گە 42 007 توننا بەرىلدى, جەو-2 – 162 314 توننا. مازۋت بويىنشا: جەو-1 – 3 203 توننا, جەو-2 – 3 036 توننا. بۇدان باسقا, جەو-1 مازۋتتىڭ قوسىمشا 5382 توننا قورى بار. نورماتيۆتىك 20 تاۋلىككە جەتەتىن كومىر قورى جەو-1-دە بۇگىندە ءبىر كۇنگە شاققاندا 36 140 توننانى قۇرايدى, ال جەو-2 – بۇل كورسەتكىش 185 420 توننا.
«تۇرعىن ۇيلەردىڭ جىلۋ ماۋسىمىنا دايىندىعى 91%, الەۋمەتتىك نىساندار - 97%, مادەني نىساندار - 100%», - دەدى ءا. يسەكەشەۆ ءوزىنىڭ مىنبەدەگى ساتىندە.
وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ باسشىسى ەربول تولەۋوۆتىڭ مالىمەتىنشە استانادا نەگىزگى 7 كومىر ساتۋشى بار, ال حالىققا قاجەتتى جالپى كومىردىڭ قورى 22 تامىزداعى جاعداي بويىنشا 14 950 توننانى قۇرايدى. ماسەلەن وتكەن جىلى مامىردان 6 تامىزعا دەيىن استانادا (ەنەرگيا كوزدەرىن قوسپاعاندا) 28,8 مىڭ توننا جەتكىزىلسە, وسى 2018 جىلى وسى ۋاقىت ارالىعىندا 35,3 مىڭ توننا جەتكىزىلدى, بۇل 22,6 % كوپ.
الايدا ەربول تولەۋوۆ كومىردىڭ قورى كوپ ەكەندىگىنە قاراماستان استانا تۇرعىندارىنىڭ قاتتى وتىن ساتىپ الۋعا اسىقپاي, بۇل ءىستى كەيىنگە قالدىرىپ وتىرعانىن ايتتى. «استانانىڭ» كومىرىن ساتىپ الۋشىلار نەگىزىنەن قالانىڭ شەت ماڭىندا تۇراتىندار تۇرعىندار.
«كۇز-قىس كەزەڭىندە كومىر ساتىپ الۋعا بايلانىستى الەۋمەتتىك كيكىلجىڭ بولىپ جاتادى. بۇل قاتتى وتىن پايدالاناتىن تۇرعىنداردىڭ كۇن سۋىتقان كەزدە جاپپاي كومىر ساتىپ الۋىمەن بايلانىستى. ناتيجەسىندە بىركەلكى ساتىلىم بولماي شىعىپ, كەزەك پەن باعا ءوسىپ كەتەدى. استانادا 31 013 جەكە ءۇي بار, ولار كومىرگە مۇقتاج. «الماتى» اۋدانىندا – 6380, «بايقوڭىر» اۋدانىندا – 4398, «ەسىل» اۋدانىندا – 8530, «سارىارقا» اۋدانىندا – 11 705», - دەدى ە. تولەۋوۆ.
اسەت يسەكەشەۆ ءپروفيلدى باسقارمانىڭ باسشىسىنا وسى ماسەلەنى باقىلاۋعا الۋىن, ءىرى كومىر ساتۋشىلارمەن مۇنىڭ الدىن باعانى وسىرمەۋ تۋرالى مەموراندۋمعا قول قويىلعاندىعىن ەسكە سالدى.
ء«بىز كومىر ساتاتىن ءىرى كومپانيالارمەن ەرتەرەك جينالىپ, وسى ماسەلەنىڭ ءبارىن تالقىلادىق. قازىر ءبىز تاعى دا جينالىپ, باعانى وسىرۋگە جول بەرمەۋگە جانە جەتكىزۋدىڭ كەستەسىن كەشىكتىرمەۋ تۋرالى كەلىسىمگە قول قويامىز», - دەدى اكىم.
سونىمەن بىرگە ءا. يسەكەشەۆ استانا تۇرعىندارىن ايقاي-شۋ مەن كەزەككە تۇرىپ قالماس ءۇشىن قاتتى وتىندى كەيىنگە قالدىرماي ەرتەرەك ساتىپ الۋعا شاقىردى.
ەستەرىڭىزگە سالا كەتەيىك, i-كومەك قالالىق ورتالىق بازاسىندا حالىقتى كومىر ساتاتىن ورىندار مەن باعاسى تۋرالى كەڭەس بەرەتىن تىكەلەي جەلى (109 تەلەفونى) بار. الايدا, وسى قىزمەتتىڭ ماماندارىنىڭ ايتۋىنشا, قازىرگى تاڭدا بۇل قىزمەت ءتۇرى كەڭىنەن پايدالانىلماي وتىر ەكەن. سوڭعى اپتادا تىكەلەي جەلىگە كومىر ساتىپ الۋ تۋرالى نەبارى 10 ادام عانا قوڭىراۋ شالىپتى.
