ءاليسۇلتان مۇقانالى ۇلى 1954 جىلى 21 قاڭتاردا الماتى وبلىسى ۇيعىر اۋدانى ۇلكەنديقان اۋىلىندا دۇنيە ەسىگىن اشقان. 1961 جىلى «وكتيابر» ورتا مەكتەبىنىڭ تابالدىرىعىن اتتاپ, 1974 جىلى وقۋىن ءتامامدايدى. 1972-1974 جىلدارى كەڭەس اسكەرىنىڭ قاتارىندا ازاماتتىق بورىشىن وتەگەن. ەڭبەك جولىن ۇيعىر اۋدانىنداعى «وكتيابر» كولحوزىندا كولحوزشى بولىپ باستاعان. 1978-1979 جىلدارى قازاق مەملەكەتتىك ۋنيۆەرسيتەتىنىڭ دايىندىق ءبولىمىنىڭ تىڭداۋشىسى, 1979-1984 جىلدارى وسى وقۋ ورنىنىڭ جۋرناليستيكا فاكۋلتەتىندە ءبىلىم العان.
1984-1991 جىلدارى رەسپۋبليكالىق «ەڭبەك تاڭى» جۋرنالىندا كوررەكتور, اعا رەداكتور بوپ قىزمەت اتقارعان. 1991-1995 جىلدارى «اۋىل» («دالا ديدارى») گازەتىندە ءتىلشى, سەكتور مەڭگەرۋشىسى, ءبولىم رەداكتورى, جاۋاپتى حاتشى بولعان. 1995-1996 جىلدارى «قازاقستان رەسپۋبليكاسى باعالى قاعازدار جونىندەگى ۇلتتىق كوميسسيانىڭ جارشىسى» جۋرنالىندا جاۋاپتى حاتشى, باس رەداكتور قىزمەتىن ابىرويمەن اتقارعان.
1996 جىلدىڭ 1 ناۋرىزىنان باستاپ وسى كۇنگە دەيىن «ەگەمەن قازاقستان» گازەتىندە قىزمەت ىستەگەن.
«ەگەمەن قازاقستان» ۇجىمى مارقۇمنىڭ تۋىس-تۋعاندارىنا قايعىرىپ كوڭىل ايتادى.
