«جاڭا وقۋ جىلىنىڭ قارساڭىندا مۇعالىمنىڭ جۇمىسىن جەڭىلدەتۋگە باعىتتالعان شارالار قابىلداندى. بىرىنشىدەن, ەستەرىڭىزدە بولسا, بىلتىردان بەرى مۇعالىمدەردى ءۇي ارالاتۋدان الىپ تاستادىق. مەكتەپتىڭ رەيتينگى دە الىندى. ەندى مينيسترلىك مۇعالىم جۇمىسىن جەڭىلدەتۋ ءۇشىن ءوز تاراپىنان پەداگوگتار تولتىرۋعا ءتيىس قۇجاتتار تىزبەسىن العاش رەت بەكىتتى. ول تەك بەس قۇجات. ودان باسقا مۇعالىمدەردەن ەشقانداي قاعاز, قۇجات سۇرالماۋى ءتيىس», - دەيدى ەرلان ساعاديەۆ.
ۇكىمەت وتىرىسىنان كەيىن ءباسپاسوز ءماسليحاتىن وتكىزگەن ءبىلىم جانە عىلىم ۆيتسە-ءمينيسترى اسحات ايماعامبەتوۆ مەكتەپ مۇعالىمدەرى تولتىرۋعا مىندەتتى 5 قۇجاتتىڭ ءتىزىمىن ايتىپ بەردى.
«ناقتىراق ايتساق, ولار - كۇنتىزبەلىك-تاقىرىپتىق جوسپارلاۋ, ساباق بويىنشا جوسپارلاۋ, كريتەريلىك باعالاۋ, كۇندەلىك جانە سىنىپ جۋرنالى. جالپى, كۇندەلىك پەن جۋرنال بويىنشا قازىر تسيفرلاندىرۋ ءجۇرىپ جاتىر», - دەيدى اسحات ايماعامبەتوۆ.
