ارىپتەستىك ارقاۋى كەڭ

كەشە پارلامەنت سەناتىنىڭ توراعاسى قايرات ءمامي قحر شىڭجاڭ-ۇيعىر اۆتونوميالىق اۋدانى حالىقتىق سايا­سي-كونسۋلتاتيۆتىك كەڭەسىنىڭ توراعاسى اسقات كەرىم­باي­دى قابىلدادى, دەپ حابارلادى پارلامەنت سەناتىنىڭ باس­پاسوز قىزمەتى. كەزدەسۋ بارىسىندا قازاقستان مەن قى­تايدىڭ ەكىجاقتى قاتىناستارىن ودان ءارى دامىتۋ ماسەلە­لەرى تالقىلاندى. – ءبىز قىتايدى جاقىن كورشى جانە سەنىمدى ارىپتەس رەتىندە قاراستىرامىز, – دەدى ق.ءمامي. ديپلوماتيالىق قاتىناستار ور­نىققان كەزدەن بەرگى قىسقا مەرزىمدە ەكى مەملەكەت باسشى­لا­رىنىڭ سەنىمدى قاتىناستارىنىڭ ارقاسىندا ستراتەگيالىق ءارىپ­تەس­تىكتىڭ جوعارى دەڭگەيىنە قول جەتتى. جوعارى دەڭگەيدەگى ءوزارا سا­پارلاردىڭ جيىلىگىن اتاپ وتە كەلىپ, ق.ءمامي قحر حالىق وكىل­دە­رىنىڭ بۇكىلقىتايلىق جينالىسى تۇراقتى كوميتەتىنىڭ ء(حوبج تك) توراعاسى ۋ بانگونىڭ بيىلعى قىركۇيەك ايىنداعى قازاقستانعا جاساعان العاشقى رەسمي ساپا­رى­نىڭ ناتيجەلەرىن جوعارى باعا­لادى. «بۇل ساپار قازاقستان مەن قىتايدىڭ جان-جاقتى ستراتە­گيالىق ارىپتەستىگىن نىعايتۋعا, پارلامەنتارالىق دەڭگەيدەگى باي­لانىستاردى دامىتۋعا جاڭا سەرپىن بەردى», – دەدى ق.ءمامي. قا­زاقستان پارلامەنتى سەناتىنىڭ توراعاسى قحر ءحوبج تك باس­شىسى ۋ بانگوعا ىزگى تىلەكتەستىگىن جولدادى. شەكارالىق ايماقتاعى ىنتى­ماق­تاستىقتى ودان ءارى دامىتۋ ءما­سەلەلەرىنە توقتالا كەلىپ, توراعا قازاقستان مەن قىتاي اراسىن­داعى ءوزارا ساۋدا كولەمىنىڭ جار­تىسىنا جۋىعى شىڭجاڭنىڭ ۇلە­سىنە تيەتىنىن اتاپ كورسەتتى. «قا­زاقستان عىلىمي اۋقىمدى جانە جوعارى تەحنولوگيالىق وندىرىسكە, ەكونوميكانىڭ وڭدەۋ سالاسىن دامىتۋعا قىتاي ينۆەستيتسياسىن تارتۋعا مۇددەلى», – دەپ اتاپ ءوتتى ق.ءمامي. ا.كەرىمباي قازاقستان تاۋەل­سىزدىگىنىڭ 20 جىلدىعىمەن قۇت­تىق­تادى جانە ەكى مەملەكەت ارا­سىنداعى جان-جاقتى ستراتە­گيا­لىق ارىپتەستىكتى ودان ءارى دامىتۋ جايىن قوزعادى. ول ق.ءماميدى قو­لايلى ۋاقىتتا قحر-دىڭ شىڭ­جاڭ-ۇيعىر اۆتونوميالىق اۋدا­نى­نا رەسمي ساپارمەن كەلۋگە شاقىردى. ا.كەرىمباي باستاعان قىتاي دەلەگاتسياسى قازاقستان رەسپۋب­ليكاسى تاۋەلسىزدىگىنىڭ 20 جىل­دىعى جانە قازاقستان مەن قىتاي اراسىنداعى ديپلوماتيالىق قا­تى­ناستاردىڭ ورناعانىنا 20 جىل تولۋىنا وراي شىڭجاڭنىڭ قازاقستانداعى مادەني كۇندەرى اياسىندا ءبىزدىڭ ەلىمىزگە كەلگەن بولاتىن.