جاعداي وڭالا باستادى

جاڭاوزەن قالاسىندا, جالپى, ماڭ­­عىستاۋ وبلىسىندا دا جاعداي قالىپتى كۇيدە جانە قۇقىق قورعاۋ ورگان­دارى­نىڭ باقىلاۋىندا تۇر. جەلتوقساننىڭ 20-نان 21-نە قاراعان ءتۇنى جاڭاوزەن قا­لاسىندا كومەندانتتىق ساعاتتى بۇزعانى ءۇشىن كومەنداتۋرادا 9 ادامعا زاڭدى ءتۇسىندىرۋ جۇمىستارى جۇرگىزىلگەننەن كەيىن ولار ۇيلەرىنە جەتكىزىلدى. ۇكى­مەت­تىك كوميسسيا جاپپاي تارتىپسىزدىكتەرمەن باي­لانىستى تۋىنداعان پروبلەمالاردى شەشۋ ءجونىن­دە بىرقاتار ۇسىنىستار ءازىر­لەدى. جاڭا­وزەن قالاسىنداعى قو­عامدىق ءتارتىپتى قال­پىنا كەلتىرۋ جانە جاع­داي­دى تۇراق­تاندىرۋ ءۇشىن ۇكىمەت قاجەتتى اقشالاي قاراجات بولۋدە. قا­لالىق كومەنداتۋرا قالا اۋماقتارىن تازالاۋ, ءبىلىم بەرۋ مەكەمەلەرىنىڭ, الەۋ­مەتتىك-ءما­دە­ني جانە باسقا دا قالا تۇر­عىن­دارى­نىڭ تىنىس-تiر­شiلiگiن قام­تا­ما­سىز ەتۋ نىسان­دارىنىڭ جۇمىستارىن قايتا ىسكە قوسۋ جونىندەگى قاجەتتى شارالار قابىل­داۋدا. 2011 جىل­دىڭ 21 جەل­توقسانىندا «وزەنمۇنايگاز» جانە «قا­راجانباس­مۇ­ناي» كومپانيا­لارى­نىڭ جۇ­مىسشىلارى تۇگەلدەي جۇ­مىسقا شىق­تى. جەدەل تەرگەۋ توبى جاپپاي ءتارتىپ­سىز­دىكتەردىڭ ۇيىم­داس­تىرۋ­شى­لارى مەن نەعۇرلىم بەلسەندى قاتىسۋ­شى­لارىن زاڭ­مەن بەلگىلەنگەن جاۋاپكەرشىلىككە تارتۋ ءجونىن­دەگى جۇمىستاردى جال­عاس­تىرۋدا, دەپ حابارلادى باس پروكۋرا­تۋرانىڭ باسپا­سوز قىزمەتى.