«اتامەكەن» ءوز كومەگىن ۇسىنادى

«اتامەكەن» وداعى» قازاق­ستان­نىڭ ۇلتتىق ەكونوميكالىق پا­لاتاسى جاڭاوزەندە بولعان ءتار­تىپ­سىزدىك كەزىندە قازا تاپقان­دار­دىڭ وتباسىلارى مەن جاقىن­دارى­نا قايعىلارىنا ورتاقتاسىپ كوڭىل ايتادى. «اتامەكەن» ءتار­تىپ­سىز­دىكتى ۇيىمداستىرۋشىلار وزدەرىنىڭ قىل­مىستىق نيەتتەرىن جۇزەگە اسىرۋ ءۇشىن «وزەن­مۇ­ناي­گاز» قىزمەتشى­لەرى­نىڭ ەڭبەك داۋلارىن پايدا­لان­دى دەپ ەسەپتەيدى. پالاتا زارداپ شەككەندەرگە قارجىلاي كومەك كورسەتەتىن بولادى جانە جاڭا­وزەن­دەگى پروب­لە­مالاردى شەشۋ ءۇشىن قۇرىلعان ۇكىمەتتىك كوميس­سيانىڭ جۇمى­سىنا اتسالىسۋعا دايىن. «اتامەكەن» ءبىرىنشى كەزەكتە بۇزاقىلاردىڭ زاڭعا قارسى ارە­كەتتەرى سالدارىنان ادامدار­دىڭ زارداپ شەككەنىنە جانە قازا تاپ­قانىنا نازار اۋدارادى. كوپتە­گەن وتباسىلارى اسىراۋشىسىز, تىرشىلىككە قاجەت قارجىسىز جانە باس­پاناسىز قالدى. جاپپاي ءبۇ­لىن­شى­لىك ناتيجەسىندە 14 ادام قازا تاۋىپ, ونداعان ادام جارا­قات­تار الدى. سول سياقتى قالادا كوپ­تەگەن عيماراتتار مەن اۆتوموبيلدەر ورتەلدى. تارتىپسىزدىكتەر سال­دارىنان بىرقاتار دۇكەندەر مەن ورتالىق رىنوكتىڭ تونالۋى­نا بايلانىستى شاعىن جانە ورتا بيزنەسكە ايتارلىقتاي زيان كەلتىرىلدى. «اتامەكەن» پالاتاسى مۇشە­لەرى ۇكىمەتتىك كوميسسيا مەن قۇ­قىق قورعاۋ ورگاندارى تاياۋ ۋا­قىتتا وبەكتيۆتى تەرگەۋ ءجۇر­گىزىپ, وڭىردەگى احۋالدى تۇراقتان­دىرۋ ءىسىن رەتكە كەلتىرەدى دەپ سەنەدى. «اتامەكەن» وداعى» قازاق­ستان­نىڭ ۇلتتىق ەكونوميكالىق پالاتاسى جاڭاوزەندە زارداپ شەك­كەندەر مەن قازا بولعان­دار­دىڭ وتباسىلارىنا كومەك كور­سە­تۋ جانە قارجى جيناۋ ءۇشىن ار­نايى ەسەپ-شوت اشادى. سون­داي-اق بۇل قارجىلار ءب ۇلىنشى­لىك ءنا­تيجە­سىن­دە زارداپ شەككەن كاسىپ­ورىندارعا دا بەرىلەتىن بولادى. قارجىنى تاراتۋدى وب­لىستىق اكىمدىكتىڭ قوعامدىق شتابىنىڭ قاتىسۋىمەن پالاتا­نىڭ ماڭ­عىس­تاۋ وبلىسىن­داعى فيليالى جانىنداعى ار­نايى كوميسسيا جۇزەگە اسىرادى, دەپ حابارلادى «اتامەكەن» ودا­عى­نىڭ اقپاراتتىق ساياسات ءجونىن­دەگى قىزمەتى.