الەۋمەتتىك مىندەتتەمەلەر ادال اتقارىلۋدا

ءبىزدىڭ «قمگ» ءبو» اكتسيونەرلىك قوعامى ءوزى قۇرىلعان كەزدەن باستاپ «وزەنمۇنايگاز», «ەمبى­مۇنايگاز» ۇجىمدارىنىڭ قۇ­قىق­تىق مۇراگەرى رەتىندە ارەكەت ەتىپ, ولاردىڭ موينىنداعى الەۋ­مەتتىك مىندەتتەمەلەردىڭ بار­لى­عىن جۇزەگە اسىرىپ كەلەدى. سودان بەرگى ۋاقىتتا ۇجىمعا ءبولىن­گەن الەۋمەتتىك شىعىندار كولە­مىن 5 ەسە ارتتىردىق. ولار – جۇمىسشىلاردى الەۋمەتتىك قور­عاۋ شارالارى, ۇجىمدىق شارت بويىنشا مىندەتتەمەلەر, الەۋ­مەت­تىك سالاداعى ينۆەستيتسيالار جانە باسقالار. ءبىز ءوزىمىز جۇمىس ىستەيتىن جەر­لەردىڭ بارلىعىندا جۇيە قۇ­راۋشى كومپانيا بولىپ ەسەپتەلەتىندىكتەن جۇكتەلگەن الەۋ­مەت­تىك مىندەتتەمەلەردىڭ بارلىعىن ادال اتقارىپ كەلەمىز. سونىڭ ءىشىن­دە ءبىرىنشى كەزەكتە جەر قوي­ناۋىن پايدالانۋ جونىندەگى كەلىسىمگە ۇلكەن ءمان بەرەمىز. وسى باعىت بويىنشا عانا جىل سايىن ماڭعىستاۋ وبلىسىنا 900 ميلليون تەڭگەنىڭ ينۆەستيتسيالارى ءبولىنىپ كەلەدى. مۇنىڭ سىرتىندا ءبىزدىڭ الەۋ­مەتتىك ارىپتەستىك باعىتىندا دا جۇرگىزىپ جاتقان جۇمىستارىمىز از ەمەس. اكىمدىكتەر وزدەرى قىز­مەت كورسەتەتىن وڭىرلەردە بىرقا­تار الەۋمەتتىك جوبالاردى جۇزە­گە اسىرۋ جونىندە ۇسىنىس جاسا­دى. ولاردىڭ بارلىعى اتقارىلۋ­دا. تەك وسى باعىت بويىنشا عانا ۇستىمىزدەگى جىلى 907 ميلليون تەڭگە قارجى ءبولىندى. مىنە, وسى قارجىلاردىڭ بارلىعى اسپاننان تۇسكەن جوق. ولار كومپانيا تا­با­تىن تازا پايدا ەسەبىنەن ءبو­لىنۋ­دە. ەگەر جاڭاوزەن قالاسىندا جۇزەگە اسىرىلىپ جاتقان جۇ­مىس­تارعا كەلەتىن بولساق, 2009, 2010, 2011 جىلدارى عانا ءبىز وسى قالانىڭ كوركەيۋىنە 20 ميلليارد تەڭگەدەن استام قارجىنى شى­عىن­داپپىز. مىنە, وسى قارجى­لارعا كوپتەگەن ينفراقۇرى­لىم­دىق جوبالار جۇزەگە استى, الەۋ­مەتتىك نىساندار سالىندى. وسى­دان 20 جىل بۇرىن بۇل قالا قان­داي ەدى؟ قازىر قانداي؟ مۇنى قاراپايىم كوزبەن-اق ايقىن اجىراتۋعا بولادى. بۇگىنگى كۇنى مۇنداعىداي سپورتتىق-ساۋىق­تى­رۋ كەشەنىن باسقا قالالاردان كەز­دەستىرۋ تىم قيىن. مۇندا سپورتتىڭ 15 تۇرىمەن شۇعىل­دا­نۋ­عا بولادى. 300 ورىندىق ستاديون حالىقارالىق تالاپتارعا سايكەس. تەك وتكەن جىلدىڭ ءوزىن­دە عانا 100 اۋلانى تارتىپكە كەل­تىرىپ, 10 شاعىن فۋتبول الاڭىن ىسكە قوستىق. فيتنەس-كلۋب, باسسەين, تاعى باسقا دا الەۋمەتتىك ينفراقۇرىلىمدار – ءبىزدىڭ ەل تاۋەلسىزدىگىنىڭ 20 جىلدىعىنا جاساعان تارتۋ­لارى­مىز. مىنە, وسى­لاردىڭ بار­لىعى مۇناي­شى­لار مەن قا­لادا تۇراتىن حالىققا جاسالعان جاقسىلىقتار. تەك بيىلعى جىلدىڭ وزىندە عانا ەل تاۋەلسىزدىگىنىڭ 20 جىل­دى­عى مەن ماڭعىستاۋ مۇنايى­نىڭ 50 جىلدىعىنا ورايلاستىرا 3,7 ميلليارد تەڭگە قارجى ءبول­دىك. بۇل ءبىزدىڭ موينىمىزعا ال­عان الەۋمەتتىك مىندەتتەمەلەرىمىزدەن تىسقارى جاسالىنىپ جات­قان جاعدايلار. كاسپي تەڭىزىنىڭ جاعالاۋى­نان 250 ورىندىق لاگەر, جى­لى­نا 3300 ادامعا قىزمەت كور­سە­­تە­تىن مەديتسينالىق ساۋىق­تى­رۋ ور­تالىعى سالىندى. جاڭا­وزەن­دىك­تەر وسى الەۋمەتتىك ورىن­داردىڭ بارلىعىنىڭ يگىلىكتەرىن كورىپ وتىر. مەديتسينالىق ەرىكتى ساق­تان­دىرۋ قىزمەتى بو­يىن­شا تەك ءوز قىزمەتكەر­لەرى­مىزدى عانا ەمەس, سونىمەن قاتار, قالا حالقىن تەگىس قامتىپ وتىر­مىز. مۇنداي قىز­مەت 14 مىڭ ادامعا كورسەتىلدى. مۇنىڭ سىرتىندا ءبىز مۇناي­شىلاردى تەك ءوز ەلىمىزدە عانا ەمەس, سونىمەن قاتار ودان دا تىس­قارى جەرلەرگە كۋرورتتار مەن ساناتوريلەرگە تەگىن جولدامامەن جىبەرىپ كەلەمىز. ءتىپتى بالالاردى دا نازاردان تىس­قا­رى قالدىرىپ وتىرعان جوقپىز. ءار جىل سايىن 4-5 مىڭ بالا رە­سەيدىڭ, ۋكراينانىڭ ساۋىق­تىرۋ جانە دەمالىس ورىندارىندا, ءوز ەلىمىزدىڭ – الماتى, شىمكەنت, قوس­تاناي قالالارىندا دەما­لا­دى. جىل سايىن بالالاردىڭ دە­مالۋىنا 700 ميلليون تەڭگە قارجى بولەمىز. ءبىز بالالاردىڭ الىستاعى قالالارعا بارىپ-قاي­تۋىن ۇشاق بويىنشا ارناۋلى چارتەرلىك رەيستەر ارقىلى قاۋىپ­­سىزدىك جاعدايىندا قام­تا­ماسىز ەتەتىن بىردەن-ءبىر كوم­پانيامىز. ۇجىمنىڭ ءاربىر قىزمەت­كەرىنە ءار جىل سايىن بولەتىن الەۋ­مەتتىك پاكەتتەر بويىنشا قار­جىمىزدىڭ ءوزى 1 ميلليون تەڭگەدەن اينالادى ەكەن. ارينە, بۇل جالاقىدان تىس جۇرگىزىپ كەلە جاتقان تولەمدەرىمىز. سوندىقتان مەن كومپانيانىڭ الەۋمەتتىك سالادا جۇرگىزىپ كەلە جاتقان جۇمىستارىن ءبىزدىڭ مۇنايشىلار باعالايدى جانە دۇرىس تۇسىنىستىكپەن قارايدى دەگەن ۇمىتتەمىن. ءبىزدىڭ ءتىرشىلى­گىمىزدىڭ باستى نەگىزى – بىرلىك. سونداي جاعدايدا عانا بارلى­عى­مىز بىرلەسىپ, العا باسا بەرەتىن بولامىز. ورال ىدىرىسوۆ, «قازمۇنايگاز» ءبو» اق الەۋمەتتىك ساياسات دەپارتامەنتىنىڭ ديرەكتورى.