كاسپي تەڭىزىندە بروكونەرلىكپەن كۇرەس سالاسىندا ىنتىماقتاستىق تۋرالى حاتتاما بەكىتىلدى. بۇل قۇجاتقا قازاقستان تاراپىنان قر سىرتقى ىستەر ءمينيسترى قايرات ءابرىراحمانوۆ قول قويدى.
ەكىنشى قۇجاتتى, كاسپي تەڭىزىندە ۇيىمداسقان قىلمىسپەن كۇرەس سالاسىنداعى ىنتىماقتاستىق تۋرالى حاتتامانى بەس ەلدىڭ ىشكى ىستەر مينيسترلەرى بەكىتتى.
بەس ەلدىڭ وكىلدەرى شەكارالىق ۆەدومستۆولاردىڭ ىنتىماقتاستىعى مەن ءوزارا ءىس-قيمىلى تۋرالى حاتتاماعا قول قويدى. كاسپي ماڭى مەملەكەتتەرىنىڭ ۇكىمەتتەرى اراسىندا ساۋدا-ەكونوميكالىق ىنتىماقتاستىق تۋرالى كەلىسىم جاسالدى.
قول قويىلعان كەلەسى كەلىسىم كاسپي ماڭى مەملەكەتتەرىنىڭ ۇكىمەتتەرى اراسىنداعى كولىك سالاسى بويىنشا ىنتىماقتاستىققا ارنالدى. سونىمەن قاتار, كاسپي تەڭىزىندە جانجالداردى بولدىرماۋ جونىندەگى كەلىسىم بەكىتىلدى. وسى قۇجاتقا قازاقستان جاعىنان قر قورعانىس ءمينيسترى نۇرلان ەرمەكباەۆ قول قويدى.
