حالىقارالىق «تۇران» حالىقتار قۇرىلتايىنىڭ اياسىندا ماجارستاندا اشىلعان « ۇلى دالا رۋحى» كورمەسى استانانىڭ 20 جىلدىعىنا ارنالدى. كورمەنى اقتوبە وبلىسىنىڭ اكىمى بەردىبەك ساپارباەۆ پەن ماجارستان پارلامەنتىنىڭ ۆيتسە-سپيكەرى شاندور لەجاك بارىپ تاماشالادى.
كورمەگە «ەگەمەن قازاقستان» گازەتى مەن «قازاقپارات» حاا-نىڭ فوتوتىلشىلەرى ۇسىنعان تۋىندىلار قويىلدى. قازاقستاننىڭ باي تاريحى مەن بۇگىنگى قايتالانباس كەلبەتىنەن سىر شەرتەتىن فوتوسۋرەتتەرگە قۇرىلتاي قاتىسۋشىلارى مەن قوناقتار ەرەكشە قىزىعۋشىلىق ءبىلدىردى. ەل نازارىن اۋدارتقان سۋرەتتەردى ەرلان وماروۆ, مۇحتار حولدوربەكوۆ, ۆيكتور فەديۋنين, الەكساندر پاۆسكي جانە يلزات سافارگاليەۆتەر تۇسىرگەن.
