مەملەكەت باسشىسى كاسپيدىڭ ەكوجۇيەسىن ساقتاۋعا ۇجىمدىق كۇش-جىگەر بولماسا, ءوڭىردىڭ گۇلدەنۋى مۇمكىن ەمەس ەكەنىن اتاپ ءوتتى.
«كاسپي ەكوجۇيەسىن ساقتاۋ بويىنشا جۇمىستا نەگىزگى ەكپىن بەكىرە تۇقىمداستارىنىڭ گەندىك قورىن قورعاۋعا قويىلۋى ءتيىس. الەمدىك پوپۋلياتسيانىڭ باسىم بولىگى كاسپي تەڭىزىندە مەكەن ەتەدى. بۇل بالىقتىڭ الەمدىك دەڭگەيدەگى 90 پايىزى - بىزدە. سوڭعى 10 جىلدا بالىق سانى ون ەسەگە ازايعان. بۇل تۇرعىدا وسى ماسەلەنى نازارعا الۋ كەرەك», دەپ توقتالدى ن. نازارباەۆ.
سونداي-اق, ەلباسى بيورەسۋرستاردى زاڭسىز اۋلاۋعا قاتىستى جاقىن ارادا بەسجاقتى قۇجاتتى بەكىتۋدى ۇسىندى.
«2010 جىلدان باستاپ بەكىرە تۇقىمداس بالىقتاردىڭ پوپۋلياتسياسىن ساقتاۋ ماقساتىندا بالىقتى كوممەرتسيالىق اۋلاۋعا موراتوري كۇشىنە ەندى. ءبىزدىڭ كوزقاراسىمىز بويىنشا, تاراپتار ىسكە اسىرعان شارالاردىڭ تيىمدىلىگى جەتكىلىكسىز بولىپ تۇر. تەك قازاقستاننىڭ شەكارا قىزمەتىنىڭ شارالارى اياسىندا بالىقتى زاڭسىز اۋلاعانداردى قۇرىقتاۋ دەڭگەيى ارتىپ كەلەدى. سونىمەن بىرگە, تاركىلەنگەن اۋلار مەن بالىق اۋلاۋدىڭ وزگە دە قۇرالدارىنىڭ سانى كوبەيىپ جاتىر. وسىعان بايلانىستى تەڭىزدىڭ بىرەگەي ەكولوگيالىق جۇيەسىن ساقتاۋ ماقساتىندا جاقىن ارادا بەسجاقتى قۇجاتتى بەكىتۋ ۇسىنىلادى. ول قۇجات بيورەسۋرستاردى زاڭسىز اۋلاۋمەن كۇرەسكە قاتىستى. بۇل باعىتتاعى جۇمىستار 2010 جىلى باستالعانىنا قاراماستان, ءبىز ونى ءالى دە لايىقتى دەڭگەيگە جەتكىزە المادىق», دەدى ەلباسى.
