بۇل ورتالىق سامميت وتەتىن «دوستىق ۇيىنە» قاراما-قارسى ورنالاسقان ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ سپورت كەشەنىندە جاساقتالدى. قازاقستان تاراپىنان 150-دەن استام, ال شەتەلدەن 200-دەن ارتىق تىلشىلەر اقتاۋ سامميتىنە تىركەۋدەن وتكەن.
قازىرگى ساتتە ءباسپاسوز ورتالىعىنا كاسپي ماڭى ەلدەرى قۇرامىنداعى قازاقستان, ازەربايجان, يران, رەسەي جانە تۇركىمەنستان ەلدەرىنىڭ ءىرى بۇقارالىق اقپارات قۇرالدارى جينالدى. سونداي-اق, اقتاۋ سامميتىنەن اقپارات تاراتۋ ءۇشىن شاھارعا ەۋروپا مەن اراب ەلدەرىنىڭ, اقش-تىڭ, قىتايدىڭ بەدەلدى تەلەارنالارى, اقپارات اگەنتتىگى وكىلدەرى كەلدى.
