ساپار جايىن ايتتى

جالپىۇلتتىق سو­تسيال-دەموكراتيالىق پار­تياسىنىڭ 18 ادامنان قۇرالعان كوميس­سياسى­نىڭ ءبىر­قاتار مۇشەلەرى 21 جەلتوقسان كۇنى اقتاۋ قالاسىنا كەلىپ جەتتى. وسى سا­پار­دىڭ جاي-جاپسارىن بىلمەككە جالپىۇلت­تىق سو­تسيال-دەموكراتيالىق پارتياسىنىڭ تەڭ ءتور­اعاسى بولات ابىلوۆپەن بايلانىسقا شىققان ەدىك. ول تومەندەگىدەي جايتتەردى مالىمدەدى. – ءبىز اۋەجايدان بىردەن  اكىمدىكتىڭ ال­دىن­داعى ىنتىماق الاڭىنا كەلدىك. بۇل جەر­دە 200-دەي مۇنايشى تۇر ەكەن. ولار: «ومىرزاق شوكەەۆپەن كەزدەستىك جانە ول كىسى بىزگە جاڭا جۇمىسپەن قامتاماسىز ەتۋگە ۋادە بەردى. بىراق, ءبىز تەك بۇرىنعى جۇمىس ورىندارىمىزعا قايتا ورالعىمىز كەلەتىنىن جەتكىزدىك», دەيدى. وسىدان كەيىن ءبىزدى وبلىس اكىمىنىڭ ءبىرىنشى ورىنباسارى قانىبەك جۇماشەۆ دەگەن كىسى قابىلدادى. ول كىسى جاڭاوزەن ماسە­لە­سى­نە وراي ءوز پىكىرىن ايتتى. ءبىز دە ءوز تاراپ­ى­مىز­دان ماقساتىمىز – جاڭاوزەندەگى جەرگىلىكتى بيلىكپەن جانە مۇنايشىلارمەن تىكەلەي جۇزدەسىپ,  پىكىرلەسۋ ەكەندىگىن بىلدىردىك. جەتىباي دەگەن جەرگە جەتكەندە  بلوك-پوستتا پوليتسيا قىزمەتكەرلەرى ءبىزدى توقتاتىپ, ءارى قاراي جىبەرگەن جوق. ول جەردە 15 شاقتى اسكەري ادام تۇر. ءبىر ساعاتتاي كۇتۋگە تۋرا كەلدى. ميليتسيا مايورى كەشىرىم سۇراپ, بىزگە ەشكىمدى جىبەرمەۋگە تاپسىرما  كەلدى, دەپ ءارى قاراي بارۋعا رۇقسات بەرمەدى. سودان كەيىن اقتاۋعا قايتۋعا ءماجبۇر بولدىق, – دەدى بولات ءابىلوۆ. ونىڭ توتەنشە جاعداي جاريالانعان قالاداعى ەرەكشەلىكتى دۇرىس تۇسىنگەنى دە قۇپتارلىق دەۋگە بولادى. – جاڭاوزەن ماسەلەسىنىڭ اقيقاتى ءبىر كۇندە اشىلمايدى. قولىمىزدان كەلگەنشە وسى ىسكە ارالاسىپ, كومەگىمىزدى بەرگىمىز كەلەدى. ارامىزدا تاۋەلسىز قوعامدىق كوميسسيا مۇشەلەرى رىسبەك سارسەنباي ۇلى, گۇل­جان ەرعاليەۆا, ۆلاديمير كوزلوۆ, مۇحتار تايجان مەن جۋرناليستەر بار, – دەدى پارتيانىڭ تەڭ توراعاسى ودان ءارى. ال الداعى سايلاۋعا قاتىستى تاياۋ كۇندەرى بۇل پارتيا جەتەكشىلەرى تاعى دا ءبىر توقايلاسىپ,  قانداي شارالار اتقاراتىن­دىعىن ويلاسىپ, جوسپاردا تۇرعان شارۋالاردى «پىسىرە» تۇسپەك. ايناش ەسالي. الماتى.