كەزدەسۋ بارىسىندا ساۋدا-ەكونوميكالىق, ينۆەستيتسيالىق, ونەركاسىپتىك جانە ترانزيتتىك-كولىك سالالارىندا ىنتىماقتاستىقتى ودان ءارى جەتىلدىرۋ ماسەلەلەرى تالقىلانىپ, جەر قويناۋىن پايدالانۋ جانە اۋىل شارۋاشىلىعى سالالارىنداعى ءوزارا ءىس-قيمىلدى دامىتۋدىڭ كەلەشەگى قارالدى.
پرەمەر-مينيستر ب. ساعىنتاەۆ سوڭعى ۋاقىتتا قازاقستان–يران ىنتىماقتاستىعى جاقسى قارقىن كورسەتىپ, ەكىجاقتى قارىم-قاتىناس دامۋدىڭ جاڭا دەڭگەيىنە شىققانىن ايتتى. پرەزيدەنت ن. نازارباەۆتىڭ تەگەرانعا ساپارى ەكى ەل اراسىنداعى ءوزارا ءىس-قيمىلدى كەڭەيتۋدە ايرىقشا ماڭىزعا يە بولدى. بۇگىنگى تاڭدا قازاقستاندا يراندىق ينۆەستورلاردىڭ قاتىسۋىمەن جوبالار ىسكە اسىرىلىپ جاتىر.
سونىمەن قاتار, باقىتجان ساعىنتاەۆ بيىل 12 تامىزدا اقتاۋدا وتەتىن كاسپي ماڭى مەملەكەتتەرى ءسامميتىنىڭ ماڭىزدىلىعىن اتاپ ءوتتى. سامميت بارىسىندا كاسپي تەڭىزىنىڭ قۇقىقتىق مارتەبەسى, كاسپيدە ەكونوميكا, كولىك, ەكولوگيا, قاۋىپسىزدىك جانە ت.ب. سالالاردا ىنتىماقتاستىق ورناتۋ ماسەلەلەرى تالقىلانادى.
ءوز كەزەگىندە م. داميرچيلۋ يران باسشىلىعى بۇگىندە ەۋرازيا وڭىرىندەگى جەتەكشى مەملەكەت بولىپ تابىلاتىن قازاقستانمەن ىنتىماقتاستىق ماسەلەلەرىنە ۇلكەن ءمان بەرىپ وتىرعانىن اتاپ ءوتتى.
«سوڭعى جىلدارى كوپتەگەن اۋقىمدى جۇمىستار اتقارىلدى, ەكونوميكا سالاسىندا ىنتىماقتاستىق ءۇشىن قولايلى جاعدايلار جاسالدى. 2018 جىلدىڭ جارتى جىلىندا ەكى ەل اراسىنداعى تاۋار اينالىمى 70 پايىزعا ارتىپ وتىرعانىن كورىپ وتىرمىز», — دەدى ەلشى م. داميرچيلۋ.
قازاقستان رەسپۋبليكاسى مەن يران يسلام رەسپۋبليكاسى اراسىنداعى ديپلوماتيالىق قاتىناستار 1992 جىلعى 29 قاڭتاردا ورناعان. ەكىجاقتى قارىم-قاتىناستىڭ شارتتىق-قۇقىقتىق نەگىزى 60-تان استام كەلىسىمدەر مەن قۇجاتتاردان تۇرادى.
2018 جىلدىڭ قاڭتار–مامىر ايلارىندا قازاقستان مەن يران اراسىنداعى تاۋار اينالىمى $251,4 ملن قۇرادى, بۇل وتكەن جىلدىڭ سايكەس مەرزىمىمەن سالىستىرعاندا 41,7%-عا جوعارى ($177,4 ملن). 2018 جىلدىڭ قاڭتار–مامىر ايلارىندا قازاقستاننان يرانعا ەكسپورت 36,1%-عا ارتىپ, $207,2 ملن قۇرادى.
