كەزدەسۋ بارىسىندا قازاقستان مەن بەلارۋس اراسىنداعى ساۋدا-ەكونوميكالىق ىنتىماقتاستىق جانە ماشينا جاساۋ, مەتاللۋرگيا, فارماتسەۆتيكا, حيميا جانە ازىق-ت ۇلىك ونەركاسىبى, قۇرىلىس يندۋسترياسى, ازاماتتىق اۆياتسيا, كولىك جانە لوگيستيكا سالالارىنداعى سەرىكتەستىكتى كەڭەيتۋ ماسەلەلەرى تالقىلاندى. اۋىل شارۋاشىلىعى, جەڭىل ونەركاسىپ جانە ت.ب. سالالارداعى جاڭا ينۆەستيتسيالىق جوبالاردىڭ پەرسپەكتيۆالى باعىتتارى قارالدى.
2017 جىلى قازاقستان رەسپۋبليكاسى مەن بەلارۋس رەسپۋبليكاسى اراسىنداعى ءوزارا ساۋدا-ساتتىق 2016 جىلمەن سالىستىرعاندا 56,4%-عا ارتىپ, $604,1 ملن قۇرادى. سونداي-اق, 2018 جىلدىڭ بەس ايىنىڭ قورىتىندىسى بويىنشا قر–بر ساۋدا اينالىمىندا وڭ ءوسىم قارقىنى بايقالدى, ول 25,7%-دى ($260,2 ملن) قۇرادى.
2005 جىلدان باستاپ 2018 جىلدىڭ ءى توقسانىنا دەيىن بەلارۋس رەسپۋبليكاسىنان قازاقستانعا تىكەلەي ينۆەستيتسيالاردىڭ جالپى اعىنى $911,9 ملن قۇرادى. 2018 جىلدىڭ 1 ماۋسىمىنداعى جاعداي بويىنشا قازاقستاندا بەلارۋستىق ۇلەستىڭ قاتىسۋىمەن 408 زاڭدى تۇلعا, بولىمشەلەر مەن وكىلدىكتەر تىركەلگەن. ساۋدا-ەكونوميكالىق ىنتىماقتاستىق جونىندەگى قازاقستان–بەلارۋس ۇكىمەتارالىق كوميسسياسى 1996 جىلدان باستاپ جۇمىس ىستەيدى. كوميسسيانىڭ 14-وتىرىسى قىركۇيەك ايىندا برەست قالاسىندا وتەدى. 2019–2020 جىلدارعا ارنالعان جاڭا بىرلەسكەن ءىس-شارالار جوسپارىن كەلىستىرۋ بويىنشا بەلسەندى جۇمىس جۇرگىزىلىپ جاتىر.
