جاندوس باقبەرگەن ۇلىنىڭ ايتۋىنشا, الماتى – قازاقستاننىڭ ءىرى قالاسى قالاسى عانا ەمەس, ەكونوميكالىق ورتالىعى, ينۆەستيتسيالىق تۇرعىداعى تارتىمدى قالالاردىڭ كوشباسشىسى. الماتى 2018 جىلدىڭ قاڭتار-ماۋسىم ايلارىندا رەسپۋبليكالىق دەڭگەيدە (20.3%), بۇل باسقا ايماقتارمەن سالىستىرعاندا ەڭ جوعارعى كورسەتكىش, كوتەرمە ساۋدانىڭ جارتىسىن (48%), بولشەكتەپ ساتۋدىڭ تورتتەن ءبىر بولىگىنەن جوعارعىسىن (30%) قامتاماسىز ەتتى.
قازاقستان الەمدىك بانكتىڭ Doing Business رەيتينگىسى بويىنشا 36-شى ورىندى يەلەنىپ تۇر. بۇل رەتتە, اتالمىش رەيتينگتى شىعاراردا الماتى قالاسىنىڭ كورسەتكىشتەرى ەسەپكە الىنعانىن ايتا كەتۋ قاجەت.
ۇستىمىزدەگى جىلدىڭ قاڭتار مەن ماۋسىم ارالىعىندا نەگىزگى كاپيتالعا سالىنعان ينۆەستيتسيالار كولەمى 851 ملن. اقش دوللارىن قۇرادى, بۇل وتكەن جىلدىڭ قاڭتار-ماۋسىم ارالىعىنداعى كورسەتكىشتەرگە قاراعاندا 22,7% ءوسىم كورسەتتى.
ءوز كەزەگىندە KAZAKH INVEST باستى قىزمەتىنىڭ ءبىرى ينۆەستيتسيالىق جوبالاردى قولداۋ بولىپ تابىلادى, نەگىزىنەن شەتەل كاپيتالى بار جوبالار. وسى باعىتتا KAZAKH INVEST الماتى قالاسىنداعى وكىلدىگىمەن شەتەل كاپيتالى بار, ينۆەستيتسيالار كولەمى 414,8 ملن. اقش دوللارىن قۇرايتىن 11 ينۆەستيتسيالىق جوباعا قولداۋ جۇمىستارىن جۇرگىزىپ وتىر. اتالمىش جوبالاردىڭ ءساتتى جۇزەگە اسۋى قالامىزدا 3 مىڭ جوعارى جۇمىس ورىندارىنىڭ اشىلۋىن قامتاماسىز ەتەدى. بۇل جوبالار نەگىزىنەن وڭدەۋ ونەركاسىبى مەن ساۋدا سالالارىندا. ۇستىمىزدەگى جىلى جوسپار بويىنشا ينۆەستيتسيالار كولەمى 252 ملن. اقش دوللارىن قۇرايتىن 7 جوبانى ىسكە قوسۋ كوزدەلۋدە. مىسالى, قىتايلىق ءىرى كومپانيا CNPC-ءدىڭ ۇلكەن ديامەترلى دانەكەرلەنگەن ترۋبالاردى وڭدەيتىن Asia Steel Pipe Corporation زاۋىتىن, رەسەيدىڭ ەسترالين كومپانياسىنىڭ كابەلدىك وتكىزگىشتەر وڭدەيتىن KMK Investment زاۋىتىن, نەمىس كاپيتالى بار ەلەكترلى اۆتوبۋستاردى قۇراستىرۋ زاۋىتىن ىسكە قوسۋ جوسپارلانۋدا. قازىگى تاڭدا جاپوندىق Tokyo Rope كومپانياسىنىڭ سومماسى 10 ملن. اقش دوللارىن قۇرايتىن ينجەنەرلىك جۇيەلەردى قورعايتىن ءونىم شىعاراتىن ونەركاسىبى ىسكە قوسىلىپ, سومماسى 32 ملن. اقش دوللارىنا بولاتىن فرانتسۋز برەندى لەرۋا مەرلەن قۇرىلىس ماتەريالدار گيپەرماركەتى اشىلدى. ەگەر اتالمىش ونەركاسىپ جاپوندىق Tokyo Rope كومپانياسىنىڭ 2-ءشى جوباسى بولسا, فرانتسۋزدىق برەند لەرۋا مەرلەن دە قوسىمشا تاعى 2 جوبانى جۇزەگە اسىرۋعا نيەت ءبىلدىردى. جوبالار پىسىقتالۋدا.
سونداي-اق, سومماسى 73 ملن. اقش دوللارىنا جەتەتىن 5 جوبا بايىنشا جۇمىستار اتقارىلۋدا. بۇل جوبالار: فرانتسۋزدىق برەند Decathlon سپورتتىق تاۋارلار گيپەرماركەتى, جوعارى تەحنولوگيالىق كىر جۋ Cotton Way كومبيناتى, جاڭا نوبەل افف فارماتسەۆتيكالىق ونەركاسىبى, مۇناي سورتامەنتىنىڭ قۇبىرلىق ونىمدەرىن شىعاراتىن Asia Steel Pipe Corporation كومپانياسىنىڭ ەكىنشى زاۋىتى, دەيدى جاندوس ورازاليەۆ.
ايناش ەسالي,
«ەگەمەن قازاقستان»
