كەزدەسۋ بارىسىندا زياتكەرلىك مەنشىكتى قورعاۋدىڭ وزەكتى ماسەلەلەرى تالقىلاندى. اتاپ ايتقاندا, زياتكەرلىك مەنشىك سالاسىنداعى قۇقىق بۇزۋشىلىقتار مەن قىلمىستاردى انىقتاۋ جانە تىيۋ ماسەلەلەرى بويىنشا ۇسىنىستار ازىرلەۋ جونىندەگى ۆەدومستۆوارالىق جۇمىس توبى جۇمىسىنىڭ ناتيجەلەرى قارالدى. ءدارى-دارمەكتەردى تىركەۋ كەزىندە «پاتەنتتىك بايلانىستىرۋ» ءپرينتسيپىن قولدانۋ, ات-شەشىمدەرىن پاتەنتتەۋ, اۆتورلىق جانە ساباقتاس قۇقىقتاردى ۇجىمدىق باسقارۋ جۇيەسىن جەتىلدىرۋ, سونداي-اق زياتكەرلىك مەنشىك نىساندارىنىڭ قۇقىقتارىن قورعاۋ ماسەلەلەرى تالقىلاندى.
زياتكەرلىك مەنشىك سالاسىنداعى قۇقىق بۇزۋشىلىقتار مەن قىلمىستاردى انىقتاۋ جانە تىيۋ ماسەلەلەرى بويىنشا ۇسىنىستار ازىرلەۋ جونىندەگى جۇمىس توبى 2014 جىلى قۇرىلعان.
جۇمىس توبىنىڭ قۇرامىنا مۇددەلى مەملەكەتتىك ورگانداردىڭ, «اتامەكەن» ۇلتتىق كاسىپكەرلەر پالاتاسىنىڭ وكىلدەرى, قازاقستانداعى امەريكا ساۋدا پالاتاسىنىڭ اتىنان ينۆەستيتسيالىق احۋالدى جاقسارتۋ جونىندەگى كەڭەستىڭ مۇشەلەرى, سونداي-اق قازاقستان مەن تۇركيا بيزنەسمەندەرى قوعامىنىڭ, باعدارلامالىق قامسىزداندىرۋ, كوسمەتيكالىق جانە فارماتسەۆتيكالىق يندۋستريا سالاسىنداعى شەتەلدىك قۇقىق يەلەرى كومپانيالارىنىڭ وكىلدەرى كىردى.
جۇمىس توبى قۇرىلعان ساتتەن باستاپ اسپ جانە الماتى قالاسىنان شەتەلدىك قۇقىق يەلەرى كومپانيالارىنىڭ وكىلدەرىنىڭ قوسىلۋىمەن بەينەكونفەرەنتسيا بايلانىسى فورماتىندا 10 وتىرىس وتكىزىلدى.
