«وتاۋ ىشىنەن وتاۋ تىككىمىز كەلمەيدى»

كەشە الماتىداعى ۇلت­تىق ءباسپاسوز كلۋبىندا جال­پىۇلتتىق سوتسيال-دە­موكراتيالىق پارتياسىنىڭ باستاماسىمەن ءباسپاسوز ءماس­­ليحاتى بولىپ ءوتتى. بۇ­قارالىق اقپارات قۇرال­دا­رىنىڭ وكىلدەرىمەن وتكەن كەز­دەسۋدە جاڭاوزەن مەن شەتپەدەگى وقيعالاردى تەرگەۋ بويىنشا تاۋەلسىز قو­عامدىق كوميسسيا قۇرىل­عانى ءمالىم بولدى. جال­پىۇلتتىق سوتسيال-دە­موكراتيالىق پارتيا­سى­نىڭ  باس حاتشىسى ءامىر­جان قوسانوۆقا ءباسپاسوز ءماس­لي­حا­تىندا كوتەرىلگەن ءما­سەلە­لەر­گە وراي ساۋالمەن قاي­ى­رىلعان بولاتىنبىز.  بىزگە بەرگەن قىسقا سۇحباتىندا جال­پىۇلتتىق سوتسيال-دە­موكراتيالىق پارتيا­سى­نىڭ  باس حاتشىسى بى­لاي دەدى: – جاڭاوزەندەگى وقيعا­لار بۇكىل قوعامدى دۇرلىك­تىر­گەنى راس. پرەزيدەنت بۇل ماسەلەگە قاتىستى ءوز پىكىرىن ايتتى. ۇكىمەتتىك كوميسسيا قۇ­رىل­دى. بىراق, ءبىزدى الاڭداتىپ وتىر­عان ءجايت – بىرىنشىدەن, اق­پا­راتتىڭ جەتىمسىزدىگى, ەكىن­شى­دەن, ءبىر­جاق­تىلىعى. ياعني, تەك رەسمي وكىلدەردىڭ اۋزىنان شىعىپ جاتقان اقپارات. ال ينتەرنەت جەلىسىندە, ەل ىشىندە ءارتۇرلى ءاڭ­گى­مەلەر ايتىلىپ جاتىر. سون­دىقتان ەلدى تى­نىش­تان­دى­راتىن, حالىق ارا­سىنا ىرىتكى سالماۋ ءۇشىن, ارانداتۋ بولماۋ ءۇشىن جان-جاقتى, وبەك­تيۆتى كوزقاراستار كەرەك. ول كوزقاراستى قالىپ­تاس­تىرۋ ءۇشىن ءبىز قوعام وكىل­دەرىنەن – شىعارماشىلىق ينتەلليگەنتسيا, قوعامدىق ۇي­ىمدار مەن قۇقىق قورعاۋ ورگاندارى جانە ساياسي پار­تيالاردىڭ وكىلدەرى بىرىگىپ, 18 ادامنان تۇراتىن تاۋەلسىز قوعامدىق كوميسسيا قۇرۋ تۋ­رالى شەشىم قابىل­دادىق. بۇل كوميسسيا قۇرامىنا كىرگەن ازاماتتاردىڭ ءبارى ەلگە بەلگىلى. وسى كوميس­سيانىڭ دۋالى اۋزىنان شىق­قان سوزگە حالىق سەنەدى دەگەن ويدامىن. ەكىنشى ماسەلە, ءبىز وتاۋ ىشىنەن وتاۋ تىككىمىز كەلمەيدى. ۇكىمەتتىك كوميسسيامەن دە, جەرگىلىكتى ورگاندارمەن دە جۇمىس ىستەۋگە دايىنبىز. ولارمەن قويان-قولتىق ارەكەت ەتەمىز دەپ ويلايمىز. ءويت­كەنى, يلەگەنىمىز ءبىر تەرىنىڭ پۇشپاعى. ءبىزدىڭ ماقسات –جاڭاوزەن وقيعاسىنا قاتىس­تى اقيقات مەيلىنشە ايتىل­سىن دەگەن وي. تالاپ ەتىپ ءارى ۇسىنىس جاساپ وتىرعان ءۇشىنشى ءما­سەلە – وسى وقيعالاردى زەرتتەۋ جونىندەگى ەلباسى دەڭ­گەيىندەگى مەملەكەتتىك كوميسسيا قاجەت. سول كوميسسيا قۇرىلىپ, وسى وقي­عانىڭ سەبەپتەرى مەن سالدارىن, ونىڭ ناقتى نەلىكتەن بولعانىن ايتىپ, وسى جانە باسقا دا ساۋال­دارعا جاۋاپ بەرۋى ءتيىس, – دەيدى ءامىرجان قوسانوۆ. كوميسسيانىڭ قۇرامىنا كىرگەندەردىڭ اراسىندا جا­زۋ­شىلار عابباس قابىشەۆ پەن سوفى سماتاەۆ, جسدپ-نىڭ وكىلدەرى ءامىرجان قو­سا­نوۆ, بولات ءابىلوۆ, تىركەلمەگەن «العا» پارتيا­سىنىڭ جەتەكشىسى ۆلاديمير كوزلوۆ, «Guljan.org» سايتىنىڭ باس رەداكتورى گۇلجان ەرعا­ليەۆا, ەكو­نو­ميست مۇحتار تايجان بار. ءباسپاسوز ءماسليحاتىن ءوت­كىزگەن ۇيىمداستىرۋ­شى­لار كوميسسيا مۇشەلەرىنىڭ سەيسەنبى كۇنى تاڭەرتەڭ اق­تاۋعا ۇشىپ شىعاتىندارىن جەتكىزدى. ايناش ەسالي. الماتى.