«رۋحانيات» پارتياسى جامبىل وڭىرىندە

«رۋحانيات» پارتيا­سى­نىڭ سايلاۋالدى ۇگىت-نا­سي­حات جۇمىسى كەشە قورداي اۋدانىندا جالعاستى. اتال­مىش پارتيانىڭ باعدارلا­ما­سى­نا كوز جۇگىرتسەك, وندا اۋىل شارۋاشىلىعىنا باس­تى باسىمدىق بەرۋ ارقىلى اۋ­ىل­­دىڭ الەۋمەتتىك-ەكونو­مي­كا­لىق ماسەلەلەرىن شەشۋ, ونىڭ ىشىندە ءداستۇرلى مال شارۋاشىلى­عىن دامى­تۋ, اۋىل­دى ساپالى اۋىز سۋمەن قام­تاماسىز ەتۋگە جان-جاق­تى قولداۋ كورسەتىپ, ەڭبەك ونىمدىلىگىن ون ەسەگە دەيىن ارتتىرۋعا قول جەتكىزۋگە ءمۇد­دەلىلىك تە بار. پار­تيا, سو­نىمەن قاتار, شەت ەلدەردەگى قان­داستا­رى­مىز بەن ەلگە ورال­عان اعاي­ىن­دارعا قام­قور­­لىق جاساپ, الەمنىڭ 45 ەلىندەگى 5 ميلليونداي قازاق دياسپورا­سى­نا مەملەكەت تارا­پىنان قام­قور­لىق كورسەتۋ, ولاردىڭ اتا­جۇرت­قا ورالۋىنا, ال ەلگە ورال­عان اعايىندارعا تولىق­قان­دى جاعداي جاساۋدى دا ويلاستىرىپ وتىر. پارتيا 1986 جىلعى جەل­توق­سان كوتەرىلىسى مەن 1930 جىل­دارداعى اشارشىلىققا سايا­سي باعا بەرۋ مەن پار­لا­مەنت­تىك-پرەزيدەنتتىك باس­قارۋ پىشىنىنە ءوتۋدى دە موي­ىن­دا­رى­نا الىپتى. سونىمەن بىرگە, جەرگىلىكتى ءوزىن ءوزى باسقارۋ, سوت جۇيەسىنىڭ ءتاۋ­ەلسىزدىگىن قام­تا­ماسىز ەتۋ, ستراتەگيالىق ما­ڭى­زى بار كاسىپورىنداردى مەم­لەكەت مەن­شىگىنە قايتارۋ, سىرتقى قارىزداردى تۇراق­تان­دى­رۋ, مۇ­نايدان تۇسكەن پايدا­نى حالىق اراسىندا ءادىل ءبولۋ, مەديتسينالىق قىزمەت كور­سەتۋ, تەگىن ءبىلىم بەرۋ مەن عى­لىمدى دامىتۋ, ۇلتتىق مادەنيەتتى ءور­كەندەتۋ, ەلدەگى دەمو­گرا­فيا­لىق احۋال مەن جاستار ماسە­لە­سىنە دەن قويۋ, قازاقستانداعى بار­لىق شەت ەلگە جالعا بەرىلگەن اسكەري پو­ليگونداردى جابۋ, قازاق­ستان ەكولو­گيا­سىن ساۋىقتى­رۋ, يادرولىق وتىن بانكىن جانە اەس سالىنۋىنا قارسى­لىق سياق­تى جەكەلەگەن تاراۋلار دا بار. كەشە «رۋحانيات» پار­تيا­سى­نان پارتيالىق ءتىزىم بوي­ىن­شا كانديداتتار – اقىن, «جالىن» جۋرنالى­نىڭ باس رەداكتورى مۇحتار شاحانوۆ, «قازاقستان ۇلت­تىق ارناسى» باعدار­لا­ما­لار ءبولىمىنىڭ دي­رەكتورى ساۋلە جيرەنشينا جانە «ازامات-قۇرىلىس» قك قۇ­رىلىسشىسى راسىلحان قۇ­دايبەرگەنوۆ اۋدان ورتا­لى­عىندا سايلاۋشىلارمەن كەز­دەستى. ورتالىق اۋرۋحا­نا­نىڭ  ءماجىلىس زالىندا وتكەن كەزدەسۋگە اۋرۋحانا ۇجىمى مەن پارتيا وكىلدەرى, بار­لى­عى 70-كە جۋىق ادام قا­تىس­تى. كەزدەسۋدە م.شاحانوۆ 1991 جىل­مەن سالىستىر­عان­دا انا ءتىلىنىڭ دامۋى, ءتىل­دى دامى­تۋ­دا ەتكەن ەڭ­بەگى, جانە مەملەكەتتىك ءتىلدىڭ قازىرگى جاع­دايى, سونداي-اق سى­بايلاس جەمقورلىق پەن ءوزى اتسالى­سىپ جۇرگەن قو­عام­دىق قىز­مەتى جايلى ءاڭ­گى­مەلەي كەلىپ, سايلاۋشى­لار­دى «رۋحانيات» پارتيا­سى­نا داۋىس بەرۋگە شاقىردى. كانديداتتار سايلاۋ­شى­لار­عا كۇنتىزبە تاراتىپ, اقىن م.شاحانوۆتىڭ كىتا­بىن سىيلادى. كەشە «رۋحانيات» پار­تيا­سىنىڭ اتالعان وكىلدەرى تاراز قالاسىنا دا اتباسىن تىرەپ, سايلاۋشىلارمەن كەزدەستى. پار­تيانىڭ ساي­لاۋ­ال­دى باع­دار­لاماسىمەن تانىس­تى­رىپ, جۇرتشىلىقتى «رۋ­حا­نياتقا» داۋىس بەرۋگە شاقىردى. كوسەمالى ساتتىباي ۇلى. جامبىل وبلىسى.