مينيسترلەر كەزدەسۋiنە, تۇركى كەڭەسى تۋريزم مينيسترلەرى (ازەربايجان, قازاقستان, قىرعىزستان, تۇركيا), تۇركى كەڭەسى مۇشە مەملەكەتتەرىنىڭ ءتيىستى مينيسترلىكتەرiنiڭ جوعارى لاۋازىمدى تۇلعالارى جانە ۇلتتىق تۋروپەراتورلار قاتىسادى.
مينيسترلەر كەزدەسۋiنەن بiر كۇن بۇرىن تۇركى كەڭەسى تۋريزم جونىندەگى جۇمىس توبىنىڭ 13-ءشى وتىرىسى وتەدى. جۇمىس توبىنىڭ وتىرىسى 2018 جىلى 7 تامىزدا استانادا باستالادى.
اتالعان جيىنعا تۇركى كەڭەسى مۇشە مەملەكەتتەرىنىڭ ءتيىستى مينيسترلىكتەرىنىڭ وكىلدەرى جانە جۇمىس توبىنىڭ مۇشە تۋروپەراتورلارى قاتىسادى. كەزدەسۋدىڭ مودەراتورى قىزمەتىن تۇركى كەڭەسى باس حاتشى ورىنباسارى ومەر كودجامان اتقارادى.
كەزدەسۋ بارىسىندا, اسiرەسە وزبەكستان, تۇركىمەنستان جانە قىتايمەن تۋريزم سالاسىندا قارىم-قاتىناستاردى دامىتۋ, تۇركىتىلدەس مەملەكەتتەر اراسىندا ۆيزالىق رەجيمدەردى جەڭىلدەتۋ, بۇۇ-نىڭ بۇكىلالەمدىك تۋريستىك ۇيىمىمەن بايلانىسىن نىعايتۋ, سونداي-اق, تۇركى مەملەكەتتەرىنىڭ ۇلى جىبەك جولىنداعى باي تاريحي مۇراسىن بەينەلەيتىن جانە قازiرگi تاڭدا العاشقى تۋريستەردى قابىلداۋعا دايىن «زاماناۋي جىبەك جولى» بىرلەسكەن تۋريستىك جوباسىن جارنامالاۋ مەن حابارلاڭدىرۋ ماسەلەلەرi جانە تۋريزم سالاسىنداعى باسقا دا تاقىرىپتار تالقىلانادى.
