ء«بىزدىڭ قوعامنىڭ يدەالى – ول ء وزىنىڭ تاريحىن, ءتىلىن, مادەنيەتىن بىلەتىن, بۇل رەتتە زاماناۋي, شەتەل تىلدەرىن مەڭگەرگەن, الدىڭعى قاتارلى جانە جاھاندىق كوزقاراسى بار قازاقستاندىق بولۋ كەرەك», دەپ اتاپ كورسەتكەن بولاتىن ەلباسى ن.نازارباەۆ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا. وتان الدىنداعى بورىشىن وتەۋگە شاقىرىلعان جاستارىمىزدىڭ اراسىندا ءبىلىمدى دە بىلىكتى ازاماتتار از ەمەس.
6697 اسكەري بولىمگە كەلگەن ساربازداردىڭ ۇزىن سانى ەكى جۇزدەن اسادى. ولاردىڭ دەنى قىزىلوردا, تاراز, پاۆلودار, اتىراۋ وبلىستارىنان شاقىرىلعاندار. جۇرەك تەبىرەنتەر راسىمگە اتالعان وڭىرلەردەن ساربازداردىڭ اتا-انالارى مەن تۋىس-تۋعاندارى دا ارنايى كەلىپتى. بىرەۋلەرى بالالارىنىڭ, ال ەكىنشىلەرى باۋىرلارىنىڭ ەلىن قورعايتىن ازامات بولعانىنا كوز جەتكىزىپ ەرەكشە قۋانىشقا بولەندى. «سىزدەردىڭ قىزمەتتەرىڭىز – ءاربىر قازاقستاندىق وتباسىنىڭ تىنىشتىعى مەن ەرتەڭگى كۇنگە دەگەن سەنىمدىلىگىنىڭ كەپىلى. سىزدەر بۇل جەردەن وتانسۇيگىشتىك, ادامگەرشىلىك قاسيەتتەردى بويلارىڭىزعا ءسىڭىرىپ ءارى ءتوزىمدى بولۋعا ۇيرەنەسىزدەر», دەدى قازاقستان رەسپۋبليكاسىنىڭ ۇلتتىق ۇلانى «ورتالىق» وڭىرلىك قولباسشىسىنىڭ تاربيە جونىندەگى ورىنباسارى, پولكوۆنيك ساۆەردين يميروۆ شارا بارىسىندا.
«بۇگىن ءبىزدىڭ بولىمدە سالتاناتتى جانە ايتۋلى كۇن. جاس ساربازدارىمىز قازاقستان حالقىنا جانە ونىڭ زاڭدى تۇردە سايلانعان پرەزيدەنتىنە ادال قىزمەت ەتىپ, وتانىمىزدىڭ ابىرويىن اسقاقتاتا تۇسەتىن بولادى» دەپ اتاپ ءوتتى 6697 اسكەري ءبولىم كومانديرى, پودپولكوۆنيك ەرلان يپاتوۆ.
وقۋ-جاتتىعۋدا بولىپ كەلگەن ساربازدارىمىز انت قابىلداۋ سالتاناتىندا دايىندىقتارىنىڭ جوعارى دەڭگەيدە ەكەنىن كورسەتتى. ولار ساپتىق امالداردى, جاۋىنگەرلىك قارۋدان اتۋ ماشىق-داعدىسىن, سونداي-اق جاۋىنگەرلىك تەحنيكانى جۇرگىزۋدى جانە باسقا دا اسكەري ءىس-قي-
مىلداردى جەتىك مەڭگەرگەن.
وتان الدىندا انت قابىلداعان سولداتتارىمىز الداعى ۋاقىتتا قوعامدىق قاۋىپسىزدىكتى قامتاماسىز ەتىپ, قىلمىستىق اتقارۋ جۇيەسى مەكەمەلەرىن كۇزەتۋ سەكىلدى جاۋاپتى مىندەتتەردى ورىنداۋعا كىرىسەتىن بولادى.
قىمبات شۇعايىپ,
كىشى سەرجانت
