سەناتتاعى كەزدەسۋگە الماتى مەن استانا ليتسەيلەرى توبىنىڭ قۇرامىندا رەسەيدە وتكەن باعدارلامالاۋ جونىندەگى وليمپيادادا توپتىق ەسەپتە 1 ورىن العان وقۋشىلار سانجار بيدايبەك, اسقات جالعاسوۆ جانە نۇرباقىت ماديبەك كەلدى. استانا قالاسىنداعى «ءبىلىم-يننوۆاتسيا» ليتسەيىنىڭ وقۋشىسى سانجار بيدايبەك حالىقارالىق SAT Subject Test سىناعىندا دا ماتەماتيكا مەن فيزيكادان ەڭ جوعارى بالل الىپ, ەرەكشە ناتيجە كورسەتكەن بولاتىن.
د.نازارباەۆا تاماشا تابىستارعا قول جەتكىزگەن وقۋشىلارعا ءبىلىم الۋ سالاسىندا ودان ءارى جەتىستىكتەرگە جەتە بەرۋگە تىلەكتەستىگىن ءبىلدىردى. سەناتور ەرەكشە قابىلەتتى بالالارعا مەملەكەت جان-جاقتى قولداۋ كورسەتەتىنىن اتاپ ءوتىپ, پارلامەنتتىڭ قىزمەتى تۋرالى ايتىپ بەردى.
ءجاسوسپىرىم مەيماندار سەنات عيماراتىن ارالاپ كورۋ مۇمكىندىگىنە يە بولدى.
