فوتو: ng.kz
وندا مەملەكەتتىك قىزمەتشىلەردىڭ ادەپ كودەكسىن ورەكەل بۇزعان اۋىل اكىمىنىڭ ءىسى جونىندە ايتىلدى.مەڭدىعارا اۋدانىنداعى ميحايلوۆ سەلولىق وكرۋگىنىڭ اكىمى ادىلبەك كاكىمبەكوۆ اۋىلداعى جايىلىم جونىندەگى ماسەلەنى شەشۋدە «سۇلەيمەنوۆ ب.ي» شارۋا قوجالىعىنا نەگىزسىز ارتىقشىلىق بەرىپ, ونىمەن زاڭسىز, جاسىرىن مەموراندۋمعا قول قويعان. ال وسىعان دەيىن سەلولىق وكرۋگكە قاراستى اۋىل تۇرعىندارىنىڭ مالى جايىلاتىن جەردى سەلولىق وكرۋگ اكىمىمەن مەموراندۋم ارقىلى كەلىسىپ, 21 جىلدان بەرى «زاريا» اكتسيونەرلىك قوعامى پايدالاناتىن. ول وسى جەردى وڭدەپ, ەكپە ءشوپ ەگىپ, ونى اۋىل تۇرعىندارىنا ساتاتىن. اۋىل اكىمى جەردى «زاريا» شارۋاشىلىعىنىڭ جەتەكشىسى الەكساندر كليمكوعا ەش ەسكەرتپەستەن وزگەگە بەرۋگە كەلىسكەن. «زاريا» شارۋاشىلىعى ارحيپوۆ اۋىلىنا الەۋمەتتىك كومەك تە كورسەتىپ كەلەدى. ەڭ باستىسى, شارۋاشىلىقتىڭ ارقاسىندا اۋىل تۇرعىندارى مال ۇستاپ, ءسۇت وتكىزىپ, وزدەرىن جۇمىسپەن قامتاماسىز ەتىپ وتىرادى. مىسالى, وتكەن جىلى 73 600 000 تەڭگەگە 920 توننا ءسۇت وتكىزگەن.
كاسىپكەر ا.كليمكونىڭ ارىزدانۋىمەن مەملەكەتتىك قىزمەت جانە سىبايلاس جەمقورلىققا قارسى ءىس-قيمىل دەپارتامەنتى اۋىل اكىمىنىڭ مەملەكەتتىك زاڭداردى بۇزعان ارەكەتىن مۇقيات تەكسەرىپ, ونىڭ «سۇلەيمەنوۆ» شارۋا قوجالىعىمەن جاساعان مەموراندۋمىنىڭ كۇشىن جويدى. ول جايىلىمدى وزگەگە بەرىپ جىبەرگەندە «زاريا» شارۋاشىلىعى ول جەرگە جىلداعىداي ەكپە ءشوپ ەگىپ تاستاعان بولاتىن. ەگەر جايىلىم تۋرالى مەموراندۋمنىڭ كۇشى جويىلماعاندا شارۋاشىلىق ون ميلليون تەڭگە زيان دا شەگەتىن ەدى.
«بۇگىنگى ءباسپاسوز ءماسليحاتىنىڭ ماقساتى اۋىل وكرۋگىنىڭ ەكونوميكالىق-الەۋمەتتىك جاعدايىن ايتۋ ەمەس, اۋىل اكىمىنىڭ زاڭسىز ارەكەتى مەملەكەتتىك قىزمەتشىلەرگە ساباق بولسىن دەگەن وي ەدى. ەلباسى, حالقىمىز سەنىم كورسەتكەن قىزمەتتى ادال اتقارايىق» دەدى وبلىستىق مەملەكەتتىك قىزمەت جانە سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى سالاۋات مۇقسىموۆ.
وسىدان ءبىر ايداي ۋاقىت بۇرىن وبلىس ورتالىعىندا ينۆەستورلار مەن بيزنەستى سىبايلاس جەمقورلىقتان قورعاۋ جوبالىق كەڭسەسى اشىلدى. وعان قازىردىڭ وزىندە كاسىپكەرلەردەن شەنەۋنىكتەردىڭ وزدەرىنە قاتىستى ارەكەتى جونىندە بىرنەشە ءىس تۇسكەن. ال ءبىز ايتقان ءىس سونىڭ تەكسەرىلىپ, كىنالى انىقتالىپ, انىق-قانىعىنا كوز جەتكەن العاشقىسى.ەندى اۋىل اكىمىنىڭ تارتىپتىلىك ءىسى ادەپ كەڭەسىندە قارالاتىن بولادى.
ءنازيرا جارىمبەت,
«ەگەمەن قازاقستان»
قوستاناي
