كۇي اناسىنا ارنالعان كەش

تاۋەلسىزدىك مەرەكەسى قارساڭىندا الماتىدا كۇي اناسى دينا نۇرپەيىسوۆانىڭ 150 جىلدىعىنا ارنالعان كەش ءوتتى. «دومبىرانىڭ ءار پەرنەسىنىڭ ءوز ءمانى بار, دومبىرا تارتقاندا ونىڭ ءمان-مازمۇنىن دۇرىس انىقتاۋ بىردەن-ءبىر شارتتى نارسە. دومبىرا شەرتكەندە ونى ادامشا سويلەتىپ, سول ارقىلى بەلگىلى ءبىر كۇيدىڭ ماعىناسىن تىڭداۋشىعا تولىق جەتكىزۋ كەرەك» – دەيتىن دينا نۇرپەيىسوۆانىڭ كۇيلەرىن ساعىنعان ونەر سۇيەر قاۋىم بۇل كەشكە كوپ جينالدى. قازاقتىڭ قۇرمانعازى اتىنداعى ۇلت-اسپاپتار وركەسترىنىڭ كور­كەم­دىك جەتەكشىسى باس ديريجەر جالعاسبەك بەگەندىكوۆتىڭ سۇيە­مەل­دەۋىمەن وركەستر دينا انامىزدىڭ بىرنەشە كۇيلەرىن تامىلجىتا ورىن­داپ, كوپشىلىكتى ءتانتى ەتتى. سونداي-اق دومبىراشى ايگۇل ءۇل­كەن­باەۆا ورىنداعان دينانىڭ كۇيىنە عاريفوللا قۇرمانعاليەۆتىڭ شاكىرتى ساۋلە جانپەيىسوۆا شىرقاعان مۇحيت اندەرىنە دە كوپشىلىك ريزا بولدى. كەش سوڭىندا دينانىڭ نەمەرەسى, 75 جاستاعى بالجان جۇر­ىن­بايقىزى ورتاعا شىعىپ, وسى كەشتى وتكىزۋگە ۇيىتقى بولعان ال­ما­تى قالاسى اكىمدىگى مەن كوپشىلىك قاۋىمعا, ونەر مايتال­مان­دارىنا اق نيەتتى العىسىن ءبىلدىردى. عالىم قۇراش, جۋرناليست.