«استانا كۋبوگى» ءۇشىن وتكەن ۇلتتىق سپورت مەرەكەسى ەكى قاشىقتىق بويىنشا (الامان – 25 شاقىرىم, بايگە – 16 شاقىرىم) ۇيىمداستىرىلدى. بايگە تۇرلەرىنەن «استانا كۋبوگىن» ساراپقا سالۋعا رەسپۋبليكامىزدىڭ بارلىق وبلىستارى, استانا جانە الماتى قالالارى 2 جۇيرىكتەن قوستى. 16 شاقىرىمدا 1 ورىندى الماتى وبلىسىنىڭ سپورتشىسى اقجول جۇماتاي الدى, سايگ ۇلىگى - مۇراگەر. 2 ورىندى لايت ەندجل سايگ ۇلىگىمەن قاراعاندىلىق راحمان الىشەر يەلەندى, ءۇشىنشى ورىندى الماتى سايگ ۇلىگىمەن استانا قالاسىنىڭ شاباندوزى ارنۇر قۇرۆانجان يەلەندى.
25 شاقىرىمدىق الامان بايگەنىڭ ءبىرىنشى باس جۇلدەسىن بقو شاباندوزى سادۋاقاس بەكزات يەلەندى, ەكىنشى ورىن قاراعاندى وبلىسىنىڭ اتىنان شىققان اقجول جۇماتايدا, سايگ ۇلىگى – بۇيراجال, ءۇشىنشى ورىندى الماتىلىق شاباندوز ورازالى جوربەك يەلەندى.
استانا قالاسىنىڭ 20 جىلدىعىن مەرەكەلەۋ اياسىندا وتكەن بايگەنىڭ جالپى جۇلدە قورى – 20 ملن تەڭگە. 25 شاقىرىمدى قۇرايتىن الامان بايگەنىڭ باس جۇلدەسى – 20 000$-دى قۇرايدى.
جارىستى ۇيىمداستىرۋشى – قر مادەنيەت جانە سپورت مينيسترلىگى, قر ۇلتتىق سپورت تۇرلەرى قاۋىمداستىعى. رەسپۋبليكالىق ءتۋرنيردىڭ جۇلدە قورىن ۇسىنۋشى – استانا قالاسى اكىمدىگى.
بايگە تۇرلەرىنەن وتەتىن رەسپۋبليكالىق تۋرنير قر ۇلتتىق سپورت قاۋىمداستىعى جاريالاعان «استانانىڭ 20 جىلدىعىنا – 20 ۇلتتىق-سپورتتىق ءىس شارا» كامپانياسى اياسىندا ۇيىمداستىرىلىپ وتىر.
