«ەلوردامىز الماتىدان اقمولاعا اۋىسقاندا قولداۋ ءبىلدىرىپ, استاناعا كوشكەن العاشقى ۇجىمداردىڭ ءبىرى «ەگەمەن قازاقستان» بولدى. سودان بەرى استانانىڭ دامۋ شەجىرەسى گازەتىمىزدە كەڭ كورىنىس تاپتى دەپ ايتساق, قاتەلەسپەيمىز. استانا كۇنى بارشامىزعا قۇتتى بولسىن!», دەدى د.قىدىرالى.
جيىن بارىسىندا گازەت شولۋشىسى قاراشاش توقسانباي مەن سۋرەتشى ايداربەك عازيز ۇلىنا «استاناعا – 20 جىل» مەرەيتويلىق مەدالى تابىس ەتىلدى. سونىمەن قاتار, باس رەداكتوردىڭ ورىنباسارى سەيفوللا شايىنعازى جانە جاۋاپتى حاتشى سامات مۇسا اقپارات جانە كوممۋنيكاتسيالار مينيسترلىگىنىڭ «اقپارات سالاسىنىڭ ۇزدىگى» توسبەلگىسىمەن, ال تىلشىلەر اباي اسانكەلدى ۇلى, گۇلنۇر قۋانىشبەكقىزى, اعا بەت قاتتاۋشى الماس ماناپ مينيسترلىكتىڭ قۇرمەت گراموتاسىمەن ماراپاتتالدى.
