جاڭا اۋدان ورنالاسقان لوموۆ كوشەسى, 154/4 مەكەنجايى بويىنشا سالىنعان ۇيدە 54 ەكى بولمەلى, 18 ءۇش بولمەلى پاتەر بار. تۇرعىن ءۇي قۇرىلىسىن جەرگىلىكتى «جاردەم» جشس جۇرگىزدى. پاتەر العان تۇرعىنداردى وبلىس اكىمى بولات باقاۋوۆ استانا كۇنىمەن جانە قونىس تويىمەن قۇتتىقتادى.
«نۇرلى جەر» باعدارلاماسى اياسىندا قول جەتىمدى بولىپ وتىرعانىن ايتىپ ءوتتى. پاتەرلەردىڭ كىلتتەرى مۇگەدەكتەرگە, ارداگەرلەرىنە, جەتىم قالعان بالالارعا, اتا-اناسىنىڭ قاراۋىنسىز قالعان بالالار مەن «التىن القا» يەگەرلەرىنە تابىستالدى.
وبلىس ورتالىعىندا «نۇرلى جەر» باعدارلاماسى بويىنشا سالىنعان تۇرعىن ءۇي قۇرىلىسىنا رەسپۋبليكالىق بيۋدجەتتەن 493 ميلليون تەڭگە ءبولىنىپتى. بۇل - سارىارقا شاعىن اۋدانىندا بوي كوتەرگەن 13-ءشى ءۇي. جىلدىڭ سوڭىنا دەيىن تاعى دا 8 ءۇي بەرىلمەك.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن ۆالەري بۋگاەۆ
