باتىس قازاقستان وبلىسى سوڭعى كەزگە دەيىن تۇرعىنداردىڭ تازا اۋىز سۋمەن قامتىلۋى بويىنشا ەڭ تومەن ءوڭىر سانالىپ كەلگەن ەدى.
- بۇل ولقىلىقتى جويۋ ءۇشىن بىلتىردان بەرى وڭىردە جالپى جوبالىق قۇنى 4 ملرد تەڭگە بولاتىن سۋ قۇبىرلارىنىڭ قۇرىلىسى جۇرگىزىلدى. بيىلدىڭ وزىندە تەك قازتالوۆ اۋدانىنىڭ وزىندە 13 ەلدى مەكەنگە تازا اۋىز سۋ قۇبىرىن تارتۋ جوسپارلانىپ وتىر. «اقبۇلاق» باعدارلاماسىنىڭ باستى ماقساتى – حالىقتى ساپالى اۋىز سۋمەن قاجەتىنشە قامتاماسىز ەتۋ, - دەيدى بيبىگۇل قونىسباەۆا.
«نوۆوسەلسترويسەرۆيس» جانە «باتىسگازستوي» جشس مەردلىگەرلىك ەتكەن سۋ تارتۋ جۇمىستارى جوسپارعا ساي جۇرگىزىلگەن. قايىڭدى اۋىلىنداعى تازا اۋىز سۋ جۇيەسىن قايتا جابدىقتاۋ جۇمىسىنا رەسپۋبليكالىق بيۋدجەتتەن 196 ملن. تەڭگە قاراجات جۇمسالسا, اقپاتەر اۋىلىنداعى نىساندى قايتا جاڭعىرتۋعا 247 ملن. تەڭگە بولىنگەن. ەكى اۋىل دا اۋىز سۋدى ىرگەدەگى قاراوزەننەن تازارتىپ الىپ پايدالانىپ وتىر.
– اقپاتەر اۋىلىندا 210 شاڭىراق تازا سۋ قۇبىرىن ۇيىنە كىرگىزىپ الدى, - دەيدى اۋىل اقساقالى, ەڭبەك ارداگەرى كارىم وتەعۇلوۆ. قايىڭدى اۋىلىنىڭ تۇرعىنى سەرىكجان سۇلەيمەنوۆ تە اۋىلداستارىنىڭ «اقبۇلاق» باعدارلاماسىنىڭ يگىلىگىن كورىپ جاتقانىن ايتىپ, مەملەكەتتىك باعدارلامانى جۇزەگە اسىرعان ازاماتتارعا العىس ايتىپ وتىر.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان
سۋرەتتى تۇسىرگەن قايرات جاقىپ
