14 قاڭتار – قازاقستان رەسپۋبليكاسى ەقىۇ توراعالىق قىزمەتىنە كىرىسۋىنە وراي ەل پرەزيدەنتى نۇرسۇلتان نازارباەۆ حالىققا ۇندەۋ جولدادى. وندا: «ەلىمىز تاۋەلسىزدىك العان ساتتەن باستاپ, وڭىرلىك جانە جاھاندىق قاۋىپسىزدىكتى نىعايتۋعا بارىنشا ۇلەس قوسىپ كەلەدى. ەقىۇ-نىڭ وزگە دە مەملەكەتتەرىمەن بىرگە شىعىس پەن باتىس اراسىن جاقىنداستىرۋعا باعىتتالعان ۇمتىلىستاردى جان-جاقتى قولدايمىز» دەلىنگەن.
1 ءساۋىر – مەملەكەت باسشىسى نۇرسۇلتان نازارباەۆ استانادا سالىنىپ جاتقان قۇرىلىس نىساندارى «حان شاتىر» ساۋدا-ويىن-ساۋىق ورتالىعى مەن «شابىت» شىعارماشىلىق سارايىن ارالاپ كوردى.
26 ءساۋىر – استانادا تمد ەلدەرى ۇستازدارىنىڭ باسىن قوسقان ءى قۇرىلتاي باستالدى. وعان 500-گە تارتا مامان-ۇستاز قاتىستى.
9 مامىر – استانادا ۇلى جەڭىستىڭ 65 جىلدىعىنا ارنالعان سالتاناتتى شەرۋ ءوتتى. شەرۋگە 120 سوعىس ارداگەرى باستاعان 7 مىڭنان استام اسكەريلەر قاتىستى.
25 مامىر – ەلباسى نۇرسۇلتان نازارباەۆ اقوردادا ەلىمىزگە رەسمي ساپارمەن كەلگەن تۇركيا پرەزيدەنتى ابدوللا گۇلمەن كەزدەستى. مەملەكەت باسشىلارى «تۇركى وركەنيەتى: داۋىرلەر جالعاستىعى» اتتى ماڭىزدى كونگرەسكە قاتىسىپ, قازىرگى حالىقارالىق تۇركى اكادەمياسىن اشتى.
1 ماۋسىم – استانادا پرەزيدەنت نۇرسۇلتان نازارباەۆتىڭ باستاماسىمەن قازاق حاندىعىنىڭ نەگىزىن سالۋشى كەرەي جانە جانىبەك حاندار ەسكەرتكىشى اشىلدى. ەسكەرتكىش سالماعى – 16,20 توننا. مۇسىندەردىڭ ىرگەتاسىنان ۇشار باسىنا دەيىنگى بيىكتىگى – 12 مەتر.
19 ماۋسىم – استاناداعى اباي كوشەسى بويىنا قازاقتىڭ باس اقىنى اباي قۇنانباەۆتىڭ ەسكەرتكىشى ورناتىلدى. ءمۇسىننىڭ بيىكتىگى – 14,750 مەتر, سالماعى – 10 توننا.
27 ماۋسىم – ەلوردادا ەكشن-فيلمدەردىڭ ءى حالىقارالىق كينوفەستيۆالى باستالدى.
28 ماۋسىم – استانادا حالىقارالىق دەڭگەيدەگى جوعارى وقۋ ورنى – نازارباەۆ ۋنيۆەرسيتەتى اشىلدى. راسىمىنە ەلباسى نۇرسۇلتان نازارباەۆ قاتىستى.
29 ماۋسىم – بەيبىتشىلىك جانە كەلىسىم سارايىندا مەملەكەت باسشىسى نۇرسۇلتان نازارباەۆتىڭ قاتىسۋىمەن ەقىۇ-نىڭ تولەرانتتىلىق جانە كەمسىتپەۋشىلىك جونىندە كونفەرەنتسيا بولىپ ءوتتى.
5 شىلدە – استانادا ەۋرازيالىق ەكونوميكالىق قوعامداستىق كەڭەسىنىڭ مەملەكەتارالىق 27 ءماجىلىسى ءوتتى.
6 شىلدە – قالا مەرەكەسىمەن ورايلاس ەلوردادا ەلباسى ن.نازارباەۆتىڭ قاتىسۋىمەن ايگىلى ساۋلەتشى نورمان فوستەردىڭ جوباسى نەگىزىندە سالىنعان «حان شاتىر» ساۋدا-ويىن-ساۋىق ورتالىعى اشىلدى.
30 تامىز – استاناداعى «قازاق ەلى» مونۋمەنتى الاڭىندا ەل كونستيتۋتسياسىنىڭ 15 جىلدىعىنا ارنالعان اسكەري شەرۋ ءوتتى. وعان ەلباسى – قازاقستان قارۋلى كۇشتەرىنىڭ جوعارعى باس قولباسشىسى نۇرسۇلتان نازارباەۆ قاتىستى.
18 قازان – استانادا العاش رەت بۇكىلالەمدىك رۋحاني-مادەني فورۋم باستالدى. وعان 500-گە جۋىق دەلەگات قاتىستى. ولاردىڭ اراسىندا «وسكار» سىيلىعىنىڭ يەگەرى ەدريان بروۋدي, ت.ب. تانىمال تۇلعالار بولدى.
3 قاراشا – استانانىڭ يندۋستريالىق پاركىندە بەتون جانە تەمىربەتون ونىمدەرىن شىعاراتىن جاڭا زاۋىت ىسكە قوسىلدى. كاسىپورىندى «قازاقستان دامۋ بانكى», «نايزا قۇرىلىس كونتسەرنى» جشس جانە «تسەسنا كورپوراتسياسى» اق بىرلەسىپ قارجىلاندىردى.
1 جەلتوقسان – استانادا ەقىۇ ەلدەرى مەملەكەت باسشىلارىنىڭ ءسامميتى باستالدى. سامميتكە 65 ەلدىڭ دەلەگاتسياسى, سونىڭ ىشىندە 28 مەملەكەتتىڭ پرەزيدەنتى, 10 ەلدىڭ پرەمەر-ءمينيسترى جانە بەدەلدى حالىقارالىق ۇيىمداردىڭ وكىلدەرى قاتىستى.
13 جەلتوقسان – مەملەكەت باسشىسى نۇرسۇلتان نازارباەۆ ەلوردادا حالىقارالىق ستاندارتقا ساي سالىنىپ جاتقان ۆەلوترەك عيماراتىندا بولىپ, «استانا» ۆەلوكومانداسى مەن قازاقستان ۆەلوسپورت فەدەراتسياسى باسشىلارىمەن كەزدەستى.
15 جەلتوقسان – تاۋەلسىزدىك سارايىندا قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى جينالىس ءوتىپ, ەلباسى نۇرسۇلتان نازارباەۆ ءسوز سويلەدى.
31 جەلتوقسان – استانا جانە الماتى قالالارىندا VII قىسقى ازيادا ويىندارى باستالدى. وعان ازيانىڭ 27 مەملەكەتىنەن 1000-نان استام سپورتشى قاتىستى. قازاقستان قۇراماسى 32 التىن, 21 كۇمىس, 17 قولا مەدالعا يە بولىپ, جەڭىمپاز اتاندى.
دايىنداعان
بەكەن قايرات ۇلى,
«ەگەمەن قازاقستان»
