بۇل جيىنعا «Kazakh Invest»» ۇق» اق باسقارما توراعاسىنىڭ ورىنباسارى ءبىرجان كانەشەۆ ارنايى قاتىستى. كەڭەس ۇلتتىق كومپانيا توراعاسى مەن باتىس قازاقستان وبلىسى اكىمى التاي كولگىنوۆتىڭ اراسىنداعى جوسپارلى كەلىسىم بويىنشا ءوتىپ وتىر. وتكەن جىلى قۇرىلعان كومپانيا بۇگىندە ناقتى جوبالاردى قولعا الماق.
– ءبىز اقجايىق وڭىرىندەگى كاسىپكەرلەرمەن كەزدەسىپ, بولاشاقتا قاي سالادا قانداي جوبالاردى دامىتۋعا بولاتىنىن تالقىلادىق. ەلباسىنىڭ تاپسىرماسى بار, ءبىزدىڭ ۇلتتىق كومپانيانىڭ ديرەكتورلار كەڭەسىنىڭ توراعاسى باقىتجان ساعىنتاەۆتىڭ تاپسىرماسى بار. مەملەكەت تاراپىنان ناقتى كومەك الاتىن ماڭىزدى جوبالاردى جيناقتاپ, ۇكىمەت قاراۋىنا ۇسىنامىز, – دەيدى ءبىرجان كانەشەۆ.
«Kazakh Invest» ۇك» اق-تىڭ وسى وڭىردەگى وكىلدىگى ديرەكتورى ءانۋار نيەتقاليەۆتىڭ ايتۋىنشا, ايماقتىق وكىلدىك جەرگىلىكتى اتقارۋشى قۇرىلىمدارمەن, قارجى ينستيتۋتتارىمەن بىرلەسىپ, بەلسەندى جۇمىس جاسايدى. وكىلدىك ديرەكتورى وڭىردە قولعا الىنعان جالپى سوماسى 2,6 ملرد اقش دوللارىنا تەڭ 11 جوبامەن تانىستىرىپ, بولاشاقتا جۇزەگە اساتىن جالپى قۇنى 739 ملن اقش دوللارىنا تەڭ جاڭا 9 جوبا تۋرالى دا ايتىپ ءوتتى. ونىڭ ىشىندە قۇس فابريكاسىن كەڭەيتۋ ماقساتىندا برويلەردى جەمدەيتىن 24 قوسىمشا ورىن سالۋعا ارنالعان ينۆەستيتسيالىق جوبا بار. «جايىق ەت» جشس وسى جوبانى جۇزەگە اسىرسا, جىلىنا 7 مىڭ توننا برويلەر ەتىن دايىنداي الادى. ال «Eurasian Logistics» جشس ورال قالاسىندا كولىك-لوگيستيكالىق ورتالىعىن سالۋدى جوسپارلاپ وتىر ەكەن. جاڭادان اشىلعان مامانداندىرىلعان حالىققا قىزمەت كورسەتۋ ورتالىعى ماڭىندا قوناقۇيى, جانارماي بەكەتى مەن اۋىر جۇك كولىكتەرىن جۋاتىن ورىن دا قاراستىرىلعان كەشەن اشىلسا, اۆتوكولىككە قاتىستى سان ءتۇرلى قىزمەتتىڭ باسى ءبىر جەرگە جيناقتالعان قالاشىققا اينالماق. سونداي-اق چاپاەۆ سەلوسىنداعى «باتىس ماركا لامب» جشس «Kazakh Invest» ۇك» اق كومەگىمەن ۇساق مال بورداقىلايتىن الاڭ قۇرىلىسىن سالۋ جوباسىن جۇزەگە اسىرۋدى جوسپارلاپ وتىر.
كەڭەستە ءبورلى اۋدانىندا بوي كوتەرەتىن اسفالت-بەتون زاۋىتىنىڭ جوباسى تانىستىرىلدى. بۇل جوباعا قارجى سالۋشى «ادال ارنا الماتى» جشس وكىلى بوريس گورلوۆ پەپەل رازەزىندە سالىناتىن زاۋىت جوباسىنىڭ قۇنى شامامەن 2,5-4,0 ملن اقش دوللارىن قۇرايدى دەيدى.
– وبلىستا جولداردى جوندەۋ باستى باسىمدىققا يە. سوندىقتان دا ينۆەستيتسيانى وسى سالاعا تارتۋ قاجەت. وكىنىشكە وراي, بىزدەگى اسفالت-بەتون زاۋىتتارى زاماناۋي ستاندارتتارعا سايكەس ەمەس. ال بۇل زاۋىت جاڭا تەحنولوگيالاردى قولداناتىن بولسا, كەلەشەگى بار جوبا بولعالى تۇر.
وبلىستاعى جول سالۋمەن اينالىساتىن كاسىپورىنداردىڭ دەڭگەيى دە تومەن. سول ءۇشىن جول كاسىپورىندارى ينۆەستيتسيا تارتىپ, وزدەرىنىڭ ماتەريالدىق-تەحنيكالىق بازالارىن مودەرنيزاتسيالاۋى كەرەك. جول سالۋعا قاجەتتى شيكىزاتتىڭ بولماۋى دا بۇل سالا جۇمىسىنىڭ قارقىنىن تومەندەتىپ, ساپاسىنا كەرى اسەر ەتەدى. ينۆەستورلار بيتۋم شىعارۋدى ويلاستىرۋ كەرەك دەپ ويلايمىن. ويتكەنى بيتۋم ساپالى بولسا, اسفالت تا ساپالى بولادى, – دەدى التاي كولگىنوۆ.
سونداي-اق تاسقالا اۋدانىندا ەرتە پىسەتىن الما باعىن قالىپتاستىرۋ قولعا الىنباق. بۇل جوبانى كەڭەستە «تەكساسەدۆانسدريسەچسەنتە» جشس ديرەكتورى گازيز يساەۆ تانىستىردى. اقجايىق ءوڭىرىنىڭ ەكولوگيالىق جانە كليماتتىق جاعدايى باۋ-باقشا وسىرۋگە ابدەن لايىق.
تەكساسەدۆانسدريسەچسەنتە» – تۇرىك كومپانياسى بولعانىمەن, ءبىزدىڭ ەلىمىزدە, اتاپ ايتقاندا, الماتى جانە تۇركىستان وبلىستارىندا ءدال وسىنداي ينتەنسيۆتى باق ەگىپ, تاجىريبەدە سىنالعان. بۇرىن بارباستاۋ تاعى باسقا الما باقتارىمەن ايگىلى بولعان باتىس قازاقستان ءوڭىرى سوڭعى جىلدارى يمپورت الماعا تاۋەلدى بولىپ قالعان ەدى. قازاقستان رەسپۋبليكاسى اۋىل شارۋاشىلىعى مينيسترلىگىنىڭ مالىمەتى بويىنشا ەلىمىزدە تۇتىنىلاتىن المانىڭ 40%-ى شەتتەن اكەلىنەدى ەكەن.
جوعارىدا ءبورلى اۋدانىندا سالىناتىن اسفالت-بەتون زاۋىتىنىڭ جوباسى تۋرالى ايتقان ەدىك. ءبورلى – قازىنالى قاراشىعاناق ورنالاسقان ءوندىرىستى ولكە. وسى اۋداننىڭ جاقىندا تاعايىندالعان اكىمى سانجار اليەۆ ينۆەستيتسيا تارتۋ جونىندەگى كەڭەسكە ارنايى قاتىسىپ, اۋداننىڭ ينۆەستيتسيالىق الەۋەتى, كاسىپكەرلەرگە ارنالعان قولداۋ مەن مۇمكىندىك تۋرالى ايتىپ بەردى.
– اۋدان اۋماعىندا رەسپۋبليكالىق ماڭىزى بار 100 شاقىرىمنان اساتىن «پودستەپنىي-ەلەك-رف» اۆتوكولىك جولى بار. بيىلعى بەس ايدا وسى جولمەن رەسەي فەدەراتسياسىنىڭ شەكاراسىنان 17 مىڭ كولىك ءوتىپتى. بىراق وسى جول بويىندا جولاۋشىلارعا قىزمەت كورسەتەتىن ورىن جوق. ءبورلى اۋىلىندا جول بويىندا ەكى كافە جانە 2016 جىلدان بەرى توقتاپ تۇرعان جانارماي قۇيۋ ستانساسى بار. جول بويىندا قىزمەت كورسەتەتىن نىساندار ۇلتتىق ستاندارتتارعا سايكەس كەلمەيدى, – دەيدى سانجار اليەۆ. اۋدان اكىمى وسى ولقىلىقتى جويۋ ءۇشىن ارنايى شارا قولعا الىنعانىن ايتتى.
ءبىر قىزىعى, مۇنايى مەن گازى الەمگە تارالاتىن ءبورلى اۋدانى توپىراعى قۇنارلى بولسا دا كوكونىستى, ءسۇت پەن ەت ونىمدەرىن وزگە جاقتان تاسيدى ەكەن. ەندى عانا شاعىن جىلىجايلار سالۋ جوباسى قولعا الىنعان. اۋدان اۋماعىندا قۋاتتىلىعى 1مۆت بولاتىن 50 جەل گەنەراتورىن قوندىرۋ دا جوسپارلانىپتى. بۇل ءۇشىن اقساي قالاسىنىڭ سولتۇستىك بولىگىندە 100 گا جەر تەلىمى 49 جىلعا پايدالانۋعا بەرىلگەن.
ارينە ينۆەستيتسيا كاسىپكەرلىككە قولايلى جاعدايى بار, بيزنەس قورعالعان ايماققا عانا قۇيىلادى. قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى باتىس قازاقستان وبلىسى بويىنشا دەپارتامەنتىنىڭ باسشىسى بولات يساقوۆتىڭ ايتۋىنشا, «doing business 2018» رەيتينگىسىندە قازاقستان 190 ەلدىڭ اراسىندا 36-ورىندا تۇر ەكەن. ال ينۆەستورلاردى قورعاۋ بويىنشا ەلىمىز 2011 جىلدان بەرى 36-ورىننان 3-ورىنعا كوتەرىلگەن. بۇل يگى باستامانى باتىس قازاقستان وبلىسىندا دا جالعاستىرۋ, وڭىردەگى ينۆەستيتسيالىق كليماتتى جاقسارتۋ قاجەتتىگى وسى كەڭەستە جان-جاقتى تالقىلانىپ, وبلىس باسشىلىعى تاراپىنان ءتيىستى تاپسىرما بەرىلدى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان وبلىسى
