تىنىشگۇل اقايقىزىنىڭ اقىن ءساندى اقىلايدىڭ سوزىنە جازعان «مەنىڭ ءتىلىم» ءانى كەشە عانا ماسكەۋ ارەناسىندا شىرقالدى. تىنىشگۇل اقايقىزىنىڭ ءانىن قازاق ەلىنىڭ نامىسىن جىرتىپ, كوك بايراعىن جەلبىرەتكەن نامىسكەر ۇلى يبراگيم ەسكەندىر شىرقادى.
– تىنىشگۇل اقايقىزى شىعارعان ءاننىڭ ماسكەۋ تورىندە ورىندالۋى ءبىز ءۇشىن عانا ەمەس, بۇكىل قازاق جۇرتى ءۇشىن قۋانىشتى وقيعا بولدى. يبراگيم ەسكەندىرگە دە ۇلكەن راحمەت! – دەدى «شىعىس» اسكەري وڭىرلىك قولباسشىلىعى ءباسپاسوز قىزمەتىنىڭ سەرجانتى مەرۋەرت قۇرمانعاجينا.
تىنىشگۇل اقايقىزى – رەسپۋبليكالىق «جاس ۇلان» فەستيۆالىنىڭ لاۋرەاتى. استاناداعى تاۋەلسىزدىكتىڭ 25 جىلدىعىنا ارنالعان رەسپۋبليكالىق اقىن-كومپوزيتورلار اراسىندا وتكىزىلگەن پاتريوتتىق اندەر سايىسىنىڭ ديپلومانتى.
ايتا كەتۋ كەرەك, تىنىشگۇل اقايقىزى – كوپتەگەن اندەرىن اسكەري تاقىرىپقا ارناعان كومپوزيتور تەمىرجان بازارباەۆتىڭ تىكەلەي شاكىرتى. «بايلانىسشىلار ۇرانى», «ساربازدار سالەمى», «اسكەري پوليتسيا مارشى», «بارلاۋشىلار ۇرانى» سياقتى وتىزعا جۋىق پاتريوتتىق تاماشا اندەردىڭ اۆتورى.
راۋشان نۇعمانبەك,
جۋرناليست
سەمەي
