ءا.ومارقوجاەۆ ءوز سوزىندە «بايتەرەك» حولدينگى ءىرى قارجىلىق دامۋ ينستيتۋتى رەتىندە ءوز قىزمەتىن تسيفرلاندىرۋ ماسەلەلەرىن جۇيەلى اتقارۋدى جولعا قويعانىن اتاپ ءوتتى. سونداي-اق سپيكەر قازىرگى ۋاقىتتا «Digital Baiterek» جوباسىن ىسكە قوسۋدىڭ ارقاسىندا حولدينگ بيزنەستى مەملەكەتتىك قولداۋ شارالارىن تسيفرلاندىرۋدى جۇزەگە اسىرىپ جاتقاندىعىن ءسوز ەتتى.
«اتاپ ايتقاندا, حولدينگتىڭ 2018-2023 جىلدارعا ارنالعان تسيفرلاندىرۋ ستراتەگياسى جۇزەگە اسىرىلۋدا, وندا قىزمەتىنىڭ التى نەگىزگى باعىتى جانە جيىرما ناقتى تسيفرلىق قادام بەلگىلەندى. بۇگىنگى كۇنى حولدينگتىڭ 19 قىزمەتى اۆتوماتتاندىرىلعان. بۇل – «بايتەرەك» ۇبح» اق-تىڭ بارلىق قىزمەتتەرىنىڭ 70 پايىزى. «بايتەرەك» حولدينگى كوپ جىلدان بەرى تسيفرلاندىرۋ جۇمىستارىن جۇيەلى تۇردە جۇرگىزىپ كەلەدى. بۇل رەتتە حولدينگتىڭ «ەلەكتروندى ۇكىمەت» پورتالى شەڭبەرىندە بيزنەستى قولداۋ بويىنشا وڭ تاجىريبەسى بار. تسيفرلاندىرۋدىڭ سوڭعى ناتيجەسى – حولدينگ جۇمىسىنىڭ تيىمدىلىگىن ارتتىرۋ, قاراجات پەن ۋاقىتتى ۇنەمدەۋ, ازاماتتاردىڭ ءبىزدىڭ قىزمەتتەرىمىزگە قولجەتىمدىلىگىن قامتاماسىز ەتۋ جانە بارلىق كليەنتتەرگە باعدارلانعان پروتسەستەردىڭ اشىقتىعىن قامتاماسىز ەتۋ. ءبىز بارلىق قىزمەتتەرىمىزدى تسيفرلاندىرۋعا جانە حولدينگتىڭ بىرىڭعاي تسيفرلىق ەكوجۇيەسىن جاساۋعا تىرىسامىز», دەدى ءا.ومارقوجاەۆ ءوز سوزىندە.
راۋان قايدار,
«ەگەمەن قازاقستان»
