- قازاقستان مەن رەسەي مەملەكەتتەرىنىڭ قارىم-قاتىناسى ءداستۇرلى تۇردە جوعارى دەڭگەيدە, ستراتەگيالىق ارىپتەس سانالادى. رەسەي – قازاقستاننىڭ ەڭ ءىرى ساۋدا ارىپتەسى. وسىنداي تىعىز قارىم-قاتىناستى دامىتۋدا تاتارستان رەسپۋبليكاسىنىڭ دا ۇلەسى زور. جاقىندا عانا ەلباسىمىز نۇرسۇلتان نازارباەۆ قازان قالاسىندا بولدى. بۇل ساپار ءبىزدىڭ ارىپتەستىگىمىزدىڭ بارلىق سالاسىنا جاڭا سەرپىن بەرەدى», - دەدى ءوڭىر باسشىسى التاي كولگىنوۆ.
ءوڭىر باسشىسىنىڭ ايتۋىنشا, 2017 جىلى قازاقستان مەن تاتارستان اراسىنداعى تاۋار اينالىمى 700 ملن. اقش دوللاردى قۇراعان. مۇنىڭ 100 ملن. اقش دوللاردان استامى – باتىس قازاقستان وبلىسىنىڭ ۇلەسىندە.
ارينە, ەكىجاقتى كەزدەسۋدە باتىسقازاقستاندىقتار اق جايىق ءوڭىرىنىڭ ەكونوميكالىق الەۋەتى مەن ينۆەستيتسيالىق مۇمكىندىكتەرى تۋرالى جان-جاقتى تانىستىردى.
قازاق-تاتار كاسىپكەرلىك قارىم-قاتىناسى قازىردىڭ وزىندە جامان ەمەس دەدىك. ماسەلەن, ورالداعى «جەلاەۆ نان ونىمدەرى» كومبيناتى «تات-سپايس» كومپانياسىنا ۇن جانە ماكارون ونىمدەرىن بەرىپ كەلەدى. «نۇرجانار» كومپانياسى «تات كراحمال پاتوكا» كومپانياسىنان كۆاستى وندىرۋگە قاجەتتى ءونىم الادى. «ورال ترانسفورماتور زاۋىتى» دا پلاستيكالىق قۇبىر, پوليمەرلىك تاباندىق, كران-بالكالاردى تاتارستاننان الىپ جاتىر. «گيدروماش وريون-مجبك» كومپانياسى بەتون ارالاستىرعىش تورابىنا قاجەتتى دوزاتورلاردى, «كاما قازاقستان» كومپانياسى اۆتوكولىك شيناسىن تاتار اعايىنداردان جەتكىزەدى. باتىسقازاقستاندىق كاسىپكەرلەر تاراپىنان ۇسىنىلاتىن بيزنەس-جوبالار دا از ەمەس. قازانداعى كەزدەسۋلەردە وسىنداي بىرنەشە جوبا تانىستىرىلىپ, تاتارستان تاراپىنان تولىق قولداۋعا يە بولدى.
ارينە, ءتۇبى ءبىر تۋىس, ءدىنى ءبىر قانداس اعايىنعا ورتاق قۇندىلىقتاردى ۇلىقتاعانعا نە جەتسىن؟ قۇدايعا شۇكىر, مۇنداي توعىسار نۇكتە از ەمەس. ماسەلەن, تاتار ادەبيەتىنىڭ كلاسسيگى قازانعا دا, ورالعا دا ورتاق. تاتار توپىراعىندا دۇنيەگە كەلگەنىمەن, قازاق جەرىندە ءوستى, ءبىلىم الدى, تانىلدى. بۇگىندە باتىس قازاقستان وبلىسىنداعى تاتار دياسپوراسى – وڭىردەگى كوپ ساندى, شىعارماشىل بەلسەندى توپتىڭ ءبىرى. ولار ءوز ۇلتىنىڭ ءداستۇرلى مەيرامدارىن ۇنەمى وتكىزىپ وتىرادى. التاي كولگىنوۆ تاتارستان رەسپۋبليكاسىنىڭ پرەزيدەنتى رۋستام ميننيحانوۆتى قىركۇيەك ايىندا ورال قالاسىندا وتەتىن سابان تويعا ارنايى شاقىردى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان وبلىسى
